Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Ажәабжьқәа


 

03.06.2017 Ирылацәажәан аҧсны-урыстәылатәи аусеицура азҵаарақәа
Урыстәылатәи Афедерациа Ахада Ицхырааҩ Сурков В.Иу. аҳәынҭқаррақәа - Ихьыҧшым Аҳәынҭқарра Реиҩызара алахәылаҩцәеи, Аҧсны Аҳәынҭқарреи Алада Уаҧстәылатәи Ареспубликеи асоциалтә-економикатә усрыцуразы Урыстәылатәи Афедерациа Ахада Иусбарҭа аиҳабы О. М. Говоруни Аҧсны Аҳәынҭқаррахь русуратә ныҟәараан Аҧсны Ахада  Иусбарҭаҟны имҩаҧысит Аҧсны Жәлар Реизара анапхгареи русуратә еиҧылара.

Аҧсны Аҳәынҭқарра Апарламент Алада-Урыстәылатәи Апарламенттә  Ассоциациа XXVI Аконференциа аусура иалахәуп  01.06.2017 Аҧсны Аҳәынҭқарра Апарламент Алада-Урыстәылатәи Апарламенттә Ассоциациа XXVI Аконференциа аусура иалахәуп
Аҧсны Жәлар Реизара – Апарламент Аделегациа иахьа Ростов-на-Дону иаатуа Алада-Урыстәылатәи Апарламенттә Ассоциациа XXVI Аконференциа аусура иалахәуп. Аҧсны Жәлар Реизара – Апарламент хаҭарнакра азыруеит Левон Галустиан – аделегациа анапхгаҩы, Аҧсны Жәлар Реизара – Апарламент Аиҳабы ихаҭыҧуаҩ, Аҳәынҭқарра-зинтә политиказы аилаки Аҵараиуреи, аҵарадырреи, абызшәатә политикеи, адини, АИХ русқәа рзы апарламенттә Еилаки рлахәыла, Гиви Кәарҷиа – Жәларбжьаратәи, апарламентбжьаратә еимадарақәеи аџьынџьуаа рымадарази апарламенттә еилаки Аграртә политикеи аҧсабаратә цхыраагӡақәеи аекологиеи рзы апарламенттә еилаки рлахәыла, Вадим Бжьаниа – Аҧсны Жәлар Реизара – Апарламент Аппарат анапхгаҩы.

22.05.2017 Аҧсны Жәлар Реизара - Апарламент Аҳәамҭа

Аҧсны Жәлар Реизара - Апарламент Аҧсны Аҳәынҭқарреи Урыстәылатәи Афедерациеи «Аҩныҵҟатәи аусқәа русбарҭақәа еицырзеиҧшу аинформациа-координациатә центр аиҿкаашьеи аусушьеи рзы» ирыбжьарҵаз Аиқәшаҳаҭра инадҳәаланы Ақәҵара аднакылеит.

АҲӘАМҬА

Аҧсны Аҳәынҭқарреи Урыстәылатәи Афедерациеи «Аҩныҵҟатәи аусқәа русбарҭақәа еицырзеиҧшу аинформациа-координациатә центр аиҿкаашьеи аусушьеи рзы» ирыбжьарҵаз Аиқәшаҳаҭра инадҳәаланы Аҧсны Жәлар Реизара - Апарламент

Ақәҵара

2017 шықәса лаҵарамза 18 рзы Шәача ақалақь аҟны Аҧсны Аҳәынҭқарреи Урыстәылатәи Афедерациеи «Аҩныҵҟатәи аусқәа русбарҭақәа еицырзеиҧшу аинформациа-координациатә центр аиҿкаашьеи аусушьеи рзы» Аиқәшаҳаҭра рыбжьарҵеит. Абри Аиқәшаҳаҭра ианаҵырҩы анаҩс, ицәырҵит аполитикатә партиақәеи ауаажәларратә еиҿкаарақәеи рыҟнытә аҳәамҭақәеи ааҧхьарақәеи жәпакы.

Аҧсны Жәлар Реизара ауаажәларра Аҧсны Аҳәынҭқарра жәларбжьаратәи аиқәшаҳаҭрақәа рыҵаҩраан аҳәынҭқарраҩныҵҟатә уснагӡатәқәа рымҩаҧысшьазы адырра рыҭара хықәкыс иҟаҵаны, аҳәамҭа ҟанаҵоит: Аҧсны Аҳәынҭқарреи Урыстәылатәи Афедерациеи ирыбжьоу «Аҩныҵҟатәи аусқәа русбарҭақәа еицырзеиҧшу аинформациа-координациатә центр аиҿкаашьеи аусушьеи рзы» Аиқәшаҳаҭра шьаҭас иамоуп Аҧсны Аҳәынҭқарреи Урыстәылатәи Афедерациеи «Аидгылареи астратегиатә усеицуразы» 2014 шықәса абҵарамза 24 аҟнытә ирыбжьоу Аиқәшаҳаҭра аҧҟарақәеи, Аҧсны Аҳәынҭқарра Аконституциеи, «Аҧсны Аҳәынҭқарра жәларбжьаратәи аизыҟазаашьақәа рзы» Аҧсны Аҳәынҭқарра ишьақәнаргылаз Азакәани инарықәыршәаны.

2014 шықәса ҧхынҷкәынмза 22 рзы Аҧсны Аҳәынҭқарреи Урыстәылатәи Афедерациеи «Аидгылареи астратегиатә усеицуразы» Аиқәшаҳаҭра шьақәырҕәҕәаны, жәларбжьаратәи аиқәшаҳаҭра хымҧадатәны ишыҟоу арҵабыргит.

17.05.2017 Аҧсны Жәлар Реизара адепутатцәа гәыҧҩык Аҧсны Аҳәынҭқарра Ахада Рауль Ҳаџьымбеи Аҧыза-министр ихаҭыҧуаҩ, Аҩныҵҟатәи аусқәа рминистр Аслан Кобахиеи рышҟа иҟарҵаз Ааҧхьара.

Аҧсны Жәлар Реизара адепутатцәа гәыҧҩык Аҧсны Аҳәынҭқарра Ахада Рауль Ҳаџьымбеи Аҧыза-министр ихаҭыҧуаҩ, Аҩныҵҟатәи аусқәа рминистр Аслан Кобахиеи рышҟа иҟарҵаз Ааҧхьара.

«Ҳаҭыр зқәу Рауль Џьумка-иҧа!

Ҳаҭыр зқәу Аслан Алеқсеи-иҧа!

2017 шықәса лаҵарамза 18 рзы Шәача ақалақь аҟны иазҧхьагәаҭоуп Аҧсны Аҳәынҭқарреи Урыстәылатәи Афедерациеи рыбжьара аҳәынҭқаррабжьаратә еиқәшаҳаҭра Аҩныҵҟатәи аусқәа русбарҭақәа Иаку ринформациа-координациатә центр ашьақәгылашьеи аусуреи рзы Аиқәшаҳаҭра анапаҵаҩра.

Аҳәара ҟаҳҵоит абри аиқәшаҳатра анапаҵаҩра аамҭала анахара, ҿыц иалху Аҧсны Жәлар Реизара адепутатцәа реиҳараҩык хыхь зыӡбахә ҳәоу аиқәшаҳаҭра апроект хазы игоу ахәҭаҷқәа рганахьала азгәаҭақәеи ажәалагалақәеи зларымоу ала, ҷыдала:

06.05.2017 Валера Кәарҷиа: «Хашҭра рықәымзароуп Аҧсадгьыл ахьчаразы зхы иамеигӡаз ргәымшәареи рфырхаҵареи ртәы»

Аџьынџьтәылатә еибашьра дуӡӡаҟны Аиааира 72-тәи ашықәсхыҵра аламҭалазы Аҧсны Жәлар Реизара – Апарламент Аиҳабы Валера Кәарҷиа Аҧсны Жәлар Реизара – Апарламент ахьӡала адныҳәалара дәықәиҵеит Урыстәылатәи Афедерациа Афедералтә Еизара апалатақәа рнапхгарахь.

Афедерациа Ахеилак Ахантәаҩы Валентина Матвиенкои Аҳәынҭқарратә Дума Ахантәаҩы Виачеслав Володини рыхьӡала иишьҭыз адныҳәалараҟны, лымкаала, иҳәоуп:

«Афашисттә агрессор ииааира Амш азгәаҭо, ҳара Аҧсадгьыл ахақәиҭреи ахьыҧшымреи азаазгаз зеиҧш ҟамлац афырхацәа ргәалашәара аҿаҧхьа ҳхырхәоит. Ари асовет жәлар зегьы ирзеиҧшу ҧсра-ӡра зқәым Иааироуп!

06.05.2017 Валера Кәарҷиа Аџьынџьтәылатә еибашьра дуӡӡа аветеранцәа Аиааира Амш рыдиныҳәалеит

Аҧсны Жәлар Реизара Аиҳабы Аџьынџьтәылатә еибашьра дуӡӡа аветеранцәа Аиааира Амш рыдиныҳәалеит.

Адныҳәалараҟны иҳәоуп:

"Акыр иаҧсоу Аџьынџьтәылатә еибашьра дуӡӡа аветеранцәа!

Аҧсны Жәлар Реизара – Апарламент адепутатцәа рыхьӡала гәык-ҧсыкала ишәыдысныҳәалоит Аџьынџьтәылатә еибашьра дуӡӡаҟны Аиааира агара 72-тәи ашықәсхыҵра!

Аиааира ду ажәлар зегьы рфырхаҵареи Аҧсадгьыл азы рхамеигӡареи ирсимволны иҟоуп. Иахьа шәара – Аџьынџьтәылатә еибашьра дуӡӡа аветеранцәа зеиҧш ҟамлац фырхаҵаралеи шьакаҭәаралеи аибашьрақәа рыҟны Аиааира иазықәҧоз, хацәынмырха атыл аҟны Аиааира зчаҧоз хьӡи-ҧшеи шәаҳҭоит, шәыхьӡала ҳхырхәоит.

05.05.2017 Виачеслав Володин: Аиааира Амш ҳажәларқәа рфырхаҵара агәалашәара лаша иамшуп.

Афедералтә Еизара Аҳәынҭқарратә Дума Ахантәаҩы Виачеслав Володин Аҧсны Жәлар Реизара – Апарламент Аиҳабы Валера Кәарҷиа идиныҳәалеитАџьынџьтәылатә еибашьра дуӡӡаҟны Аиааира 72-тәи ашықәсхыҵра.

Адныҳәалараҟны иҳәоуп:


Страницы:

Зегьы