Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Ажәабжьқәа


 

20.11.2018 Валери Кәарҷиа Екатерина Бебиа Лымшира лыдиныҳәалеит


"Ҳаҭыр зқәу Екатерина Гьаргь-иҧҳа!

Аҧсны Жәлар Реизара – Апарламент ахьӡала ишәыдысныҳәалоит Шәиубилеитә ныҳәамш – Шәымшира!  
Шәара иахьа шәеицырдыруеит Аҧснеиҧш уи анҭыҵгьы. Аҧсны Аҳәынҭқарра иреиҳаӡоу ашкол зҽаҧсазтәыз усзуҩуп, Аҧсны Аҳәынҭқарра зҽаҧсазтәыз журналиступ, Аҧсны Аҳәынҭқарра ашәҟәыҩҩцәеи ажурналистцәеи реидгыла шәалахәылаҩуп, афилологиатә ҭҵаарадыррақәа рдоктор, Аҧснытәи аҳәынҭқарратә университет апрофессор ҳәа ахьӡқәа шәыхҵоуп, Аҧснытәи аҳәынҭқарратә телерадиоеилахәыра аредактор-акорреспондентуп.
Шәара шәыҧсҭазааратә мҩеи шәусуреи Аҧсны иахьатәи аҭоурых иадҳәалоуп. Шәара активла аҧсуа жәлар рмилаҭ-хақәиҭратә қәҧара иалахәыз шәыруаӡәкуп.  

14.11.2018 Леонид Пасечник Лугансктәи Жәлартә Республика Ахадас иалхра идныҳәалара
Аҧсны Жәлар Реизара – Апарламент Аиҳабы Валери Кәарҷиа Леонид Пасечник Лугансктәи Жәлартә Республика Ахадас иалхра идиныҳәалеит.  

Адныҳәалараҟны иҳәоуп:

14.11.2018 Денис Пушилин Донецктәи Жәлартә Республика Ахадас иалхра идныҳәалара
Аҧсны Жәлар Реизара – Апарламент Аиҳабы Валери Кәарҷиа Денис Пушилин Донецктәи Жәлартә Республика Ахадас иалхра идиныҳәалеит.  

09.11.2018 Аҧсны Жәлар Реизара – Апарламент адепутатцәа ДЖӘР-еи ЛЖӘР-еи ралхратә кампаниа жәларбжьаратәи амониторинг иалахәуп
2018 шықәса цәыббрамзазы ЛЖӘР-еи ДЖӘР-еи аӡбамҭа рыдыркылеит Донецктәии Луганкстәии жәлартә республикақәа рхадацәеи жәлартә хеилакқәеи рдепутатцәа ралхра амҩаҧгара. Урҭ мҩаҧысраны иҟоуп абҵарамза 11 рзы.  

Абри инамаданы, Аҧсны Жәлар Реизара – Апарламент ахаҭарнакцәа имҩаҧысуа алхрақәа ирҭаараны иҟоуп жәларбжьаратәи анаҧшыҩцәа раҳасабала. Аҧсны Аҳәынҭқарра адепутатцәа рделегациа иалалоит:  Алмасхан Арӡынба, Дмитри Дбар, Омар Џьынџьал,  Асҭамыр Логәуа.

Донбасс аимак ҟалеижьҭеи Аҧсны Жәлар Реизара – Апарламент адепутатцәа ари ақалақь еиуеиҧшым анапынҵақәа рыманы изныкымкәа иаҭаахьан. Иара убас, иазгәаҭатәуп, 2016 шықәса жәабранмза 1 азы Аҧсны Аҳәынҭқарреи, Донецктәии Луганкстәии жәлартә республикақәа рпарламентқәа рнапхгаҩцәа рнапы аҵарҩит аусеицуразы аиқәшаҳаҭра.  

08.11.2018 Имҩаҧысит Аҧсны Жәлар Реизара – Апарламент ҭагалантәи изаамҭанытәиу асессиа аилатәара
Имҩаҧысит Аҧсны Жәлар Реизара – Апарламент ҭагалантәи изаамҭанытәиу асессиа аилатәара. Уи мҩаҧигеит Аизара Аиҳабы Валери Кәарҷиа.

Ирыхәаҧшуп, аҵыхәтәантәи аҧхьараан ирыдыркылеит Аҧсны Аҳәынҭқарра азакәанқәа:  

«2018 ш. Ареспубликатә биуџьет азы» Аҧсны Аҳәынҭқарра Азакәан аҧсахрақәак ралагаларазы Аҧсны Аҳәынҭқарра Азакәан апроект № 873-VI азы»/  
Ажәахәҟаҵаҩ – Аҧсны Жәлар Реизара – Апарламент аҟны Аҧсны Аҳәынҭқарра Ахада Ихаҭарнак    Дмитри Шамба.

««Аҧсадгьыл ахь архынҳәразы афонд 2017 ш. абиуџьет анагӡаразы» Аҧсны Аҳәынҭқарра Азакәан апроект № 847-VI азы».

Ажәахәҟаҵаҩ  – Аҧсны Жәлар Реизара – Апарламент Абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Натали Смыр.

Ирыхәаҧшуп, актәи аҧхьараан ирыдыркылеит Аҧсны Аҳәынҭқарра азакәанқәа рыпроектқәа:  

06.11.2018 Аҧснытәи аҳәынҭқарратә телерадиоеилахәыра аколлективи уи аветеранцәеи рыдныҳәалара
Аҧсны Жәлар Реизара – Апарламент Аиҳабы Валери Кәарҷиа Аҧснытәи аҳәынҭқарратә телерадиоеилахәыра аколлективи уи аветеранцәеи Аҧсуа телехәаҧшра аефир ахь раҧхьатәи ацәырҵра ҟалеижьҭеи 40 шықәса аҵра рыдиныҳәалеит.

Адныҳәалараҟны, ҷыдала, иҳәоуп:

«Ателехәаҧшра, аиашазы,  ҳтәылазы гәадуроуп, Аҧсны Аҳәынҭқарра иқәынхо ауааҧсыра рыҧсҭазааразы аҵак ду амоуп. Аҧсуа телехәаҧшра ацәырҵра аҧсуа интеллигенциа рзинхьчаратә қәҧара, ҳҳәынҭқарра ашьақәгылара аҭоурых иузаҟәымҭхо иадҳәалоуп.      

Аҧсуа телехәаҧшра аколлектив  аҧсуа жәлар рмилаҭтә қәҧара иалагылан есқьынгьы, аҧсуаа ахақәиҭреи ахьыҧшымреи рзы рықәҧара адунеитә уаажәларра ирыладырҵәон, аҧсуа культура атрадициақәеи аҧсуа бызшәеи реиқәырхара иацхраауан.  Ахаангьы аҧсуа жәлар рыцәгьеи рыбзиеи иаҟәыҭхамызт уҳәар алшоит.  

Аҧсны Аҳәынҭқарраҿы имҩаҧысуа аныҳәахь иааит Приднестровиатәи Молдавиатәи Ареспублика аделегациа 28.09.2018 Аҧсны Аҳәынҭқарраҿы имҩаҧысуа аныҳәахь иааит Приднестровиатәи Молдавиатәи Ареспублика аделегациа
Аҧсны Жәлар Реизара – Апарламент Аиҳабы Валери Кәарҷиа Аҧсны Аҳәынҭқарра Аиааиреи Ахьыҧшымреи 25 шықәса рхыҵра азгәаҭара иазку аныҳәатә усмҩаҧгатәқәа рыҽрылахәразы иахьа иааз  Приднестровиатәи Молдавиатәи Ареспублика Иреиҳаӡоу Ахеилак Ахантәаҩы Александр Шьерба напхгара ззиуа Приднестровиатәи Молдавиатәи Ареспублика аделегациа рҧылара мҩаҧигеит.  


Страницы:

Зегьы