Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Аҧсны Аҳәынҭқарра Апарламент Алада-Урыстәылатәи Апарламенттә Ассоциациа XXVI Аконференциа аусура иалахәуп

01.06.2017

Аҧсны Аҳәынҭқарра Апарламент Алада-Урыстәылатәи Апарламенттә Ассоциациа XXVI Аконференциа аусура иалахәуп

Аҧсны Жәлар Реизара – Апарламент Аделегациа иахьа Ростов-на-Дону иаатуа Алада-Урыстәылатәи Апарламенттә Ассоциациа XXVI Аконференциа аусура иалахәуп. Аҧсны Жәлар Реизара – Апарламент хаҭарнакра азыруеит Левон Галустиан – аделегациа анапхгаҩы, Аҧсны Жәлар Реизара – Апарламент Аиҳабы ихаҭыҧуаҩ, Аҳәынҭқарра-зинтә политиказы аилаки Аҵараиуреи, аҵарадырреи, абызшәатә политикеи, адини, АИХ русқәа рзы апарламенттә Еилаки рлахәыла, Гиви Кәарҷиа – Жәларбжьаратәи, апарламентбжьаратә еимадарақәеи аџьынџьуаа рымадарази апарламенттә еилаки Аграртә политикеи аҧсабаратә цхыраагӡақәеи аекологиеи рзы апарламенттә еилаки рлахәыла, Вадим Бжьаниа – Аҧсны Жәлар Реизара – Апарламент Аппарат анапхгаҩы.

Ҩымш рыҩныҵҟа Аконференциа алахәылацәа ирылацәажәараны иҟоуп амш азҵаараҟны иқәгылоу ҩынҩажәеижәаба инарзынаҧшуа зҵаара. Алада-Урыстәылатәи Апарламенттә Ассоциациа (АУАА) аҧҵан 2001 шықәса мшаҧымза 25 рзы, азакәанҧҵаратә усура анагӡаразы аилабжьаратә аилацәажәаратә усбарҭак аҳасабала, апарламентбжьаратә усеицуреи егьырҭ аҵакы ду змоу азҵаарақәа рыӡбаразы. Иахьа АУАА алахәылацәаны иҟоуп: Аҳәынҭқарратә Хеилак – Адыгеиа Ареспублика Хасе, Ареспублика Крым Аҳәынҭқарратә Хеилак, Астрахантәи аобласт Адума, Волгоградтәи аобласттә Дума, Калмыкиа Ареспублика Жәлартә Хурал (Парламент), Севастопол ақалақь Азакәанҧҵаратә Еизара, Краснодартәи атәылаҿацә Азакәанҧҵаратә Еизара, Ростовтәи аобласт Азакәанҧҵаратә Еизара. АУАА Ассоциациатә алахәылацәа: Ҟарачы-Черқьесстәи Ареспублика Жәлар Реизара (Апарламент), Ингушетиа Ареспублика Жәлар Реизара, Аҩадатәи Уаҧстәыла -Аланиа Ареспублика Апарламент, Аҧсны Жәлар Реизара – Апарламент.

Аҧсны Жәлар Реизара – Апарламент Алада-Урыстәылатәи Апарламенттә Ассоциациа иалалеит ассоциациатә алахәылара азин ала 2005 шықәса цәыббрамза 30 рзы Алада-Урыстәылатәи Апарламенттә Ассоциациа VI Аконференциа аӡбамҭала.


Возврат к списку