Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Валери Кәарҷиа Александр Шьерба Имшира идиныҳәалеит

23.03.2018

Валери Кәарҷиа Александр Шьерба Имшира идиныҳәалеит

Аҧсны Жәлар Реизара – Апарламент Аиҳабы Валери Кәарҷиа Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Шьерба Имшира идиныҳәалеит. Адныҳәалараҟны иҳәоуп: «Ҳаҭыр зқәу Александр Сергеи-иҧа! Аҧсны Жәлар Реизара – Апарламент ахьӡара гәык-ҧсыкала ишәыдысныҳәалоит Шәымшира! Аҳәынҭқарратә усбарҭақәа рыҟны шәусура ашықәсқәа рыҩныҵҟа Шәара Ареспублика атәылауаа раҳаҭыр шәаҧсахеит. Приднестровиатәи Молдавиатәи Ареспублика Иреиҳаӡоу Асовет напхгара аҭо, Шәара хаҭала шәлагаламҭа дууп атәыла асоциалтә-економикатә ҿиареи аҳәынҭқарратәра арҕәҕәареи рус аҟны. Ҳара агәра ҳгоит Аҧсны Жәлар Реизара – Апарламенти Приднестровиатәи Молдавиатәи Ареспублика Иреиҳаӡоу Асовети ирыбжьоу аусеицура аҧхьаҟагьы қәҿиарала аҿиара шроуа, ҳтәылақәа риашьаратә жәларқәа реиҩызаратәи русеицуратәи еизыҟазаашьақәа рырҕәҕәара иацхраауа. Ишәзеиҕьаҳшьоит агәабзиара, агәамч, Шәреспублика аизҳазыҕьара иазку шәусураҟны аихьӡара ҿыцқәа».

Возврат к списку