Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Аҧсны Жәлар Реизараҟны имҩаҧысит Аҧсны Ахадеи адепутатцәеи реиҧылара

13.09.2018

Аҧсны Жәлар Реизараҟны имҩаҧысит Аҧсны Ахадеи адепутатцәеи реиҧылара

Аҧсны Жәлар Реизара – Апарламент аҟны имҩаҧысит Аҧсны Ахада Рауль Ҳаџьымбеи адепутатцәеи реиҧылара.

Ахада адепутатцәа Урыстәылатәи Афедерациа Ахада Владимир Путини иареи реиҧылара ахьымҩаҧысыз Москва иҟазаара иазкны адырра риҭеит.

Иара убас, аҳәынҭқарра Ахада далацәажәеит Шьамтәылатәи Арабтә Республикаҟны имҩаҧысыз иусуратә визит атәы. Ара аофициалтә визит аҳәаақәа ирҭагӡаны имҩаҧысит ҩ-тәылак рхадацәа реиҿцәажәара. Рауль Ҳаџьымбеи Башар Асади ҩ-ганктәи аусеицуреи, аҧсны-шьамтәылатәи аизыҟазаашьақәеи ирызкыз азҵаарақәа ирылацәажәеит.

Ахада дазааҭгылеит анагӡаратә мчхара аусуреи аҿаҧхьа иқәгылоу ауснагӡатәқәеи ртәы. Иара убас Ахадеи адепутатцәеи аҩныҵҟатәии адәныҟатәии аполитика иазкыз азҵаарақәа жәпакы ирылацәажәеит. Аҳәынҭқарра Ахада адепутатцәа ргәаанагарақәа дырзыӡырҩит, хыҧхьаӡара рацәала рызҵаарақәа рҭакқәа ҟаиҵеит.


Возврат к списку