Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Ашот Гулиан Валери Кәарҷиа аҳәынҭқарратә ныҳәа идиныҳәалеит

27.09.2018

Ашот Гулиан Валери Кәарҷиа аҳәынҭқарратә ныҳәа идиныҳәалеит

Ареспублика Арцах Амилаҭтә Еизара Ахантәаҩы Ашот Гулиан Аҧсны Жәлар Реизара – Апарламент Аиҳабы Валери Кәарҷиа аҳәынҭқарратә ныҳәа идиныҳәалеит.

Адныҳәалараҟны иҳәоуп:

«Ҳаҭыр зқәу Валери Ермеи-иҧа!
Ареспублика Арцах Амилаҭтә Еизара ахьӡала, хаҭала сара сҟынтә ишәыдысныҳәалоит Шәаргьы ҳаиҩызаратә аҧсуа жәлар Аҧсны Аҳәынҭқарра Аиааиреи Ахьыҧшымреи рымш.  
Ахьыҧшымра Амш – ажәларқәа зегьы рзы ныҳәа ҷыдоуп. Уи иадҳәалоуп ахақәиҭра, апатриотизм, аҭынчра, аизҳазыҕьара, абарақьаҭра, ашәарҭадара. Аҧсны Аҳәынҭқарра исуверентәу, идемократиатәу аҳәынҭқарра аҧҵаразы азин анагӡаразы изну амҩаҟны аихьӡарақәа амоуп, хымҧада.  
  
Гәахәароуп, аиҩызареи агәылеимабзиареи шьаҭас измоу ҳҳәынҭқаррақәа ирыбжьоу аизыҟазаашьақәа аҿиара иахьаҿу, есааира рымҽхак аҽахьарҭбаауа наҟ-ааҟ ҳаиҭанеиааира иабзоураны, Аҧсны иҟоу аерман уаажәларра иҳабжьоу адиалог арҕәҕәара иахьацхраауа.  Сара агәра згоит ҳусеицура аҧхьаҟагьы аҽшарҕәҕәо, конструктивла аҿиара ишацнаҵо ҳажәларқәа реизҳазыҕьара ахьӡала.  

Даҽазныкгьы ишәыдысныҳәалоит шәтәыла аҭоурыхтә рыцхә ду. Ишәзеиҕьасшьоит аихьӡарақәа шәҿаҧхьа иқәгылоу ауснагӡатәқәа рыҟны, аизҳазыҕьара, аҭынчра».

Возврат к списку