Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Александр Коршунов Приднестровиатәи Молдавиатәи Ареспублика Иреиҳаӡоу Асовет Ахантәаҩы имаҵурахьы иалхра идиныҳәалара

06.02.2019

Александр Коршунов Приднестровиатәи Молдавиатәи Ареспублика Иреиҳаӡоу Асовет Ахантәаҩы имаҵурахьы иалхра идиныҳәалара


Аҧсны Жәлар Реизара-Апарламент Аиҳабы Валери Кәарчиа  Александр Коршунов Приднестровиатәи Молдавиатәи Ареспублика Иреиҳаӡоу Асовет Ахантәаҩы имаҵурахьы иалхра идиныҳәалеит.

Адныҳәалараҟны иҳәоуп: «Ҳаҭыр зқәу Александр Виктор-иҧа! Гәык-ҧсыкала ишәыдысныҳәалоит  Приднестровиатәи Молдавиатәи Ареспублика Иреиҳаӡоу Асовет  Ахантәаҩы имаҵурахьы шәалхра.

Шәара шәкандидатуразы еицҿакны шәколлегацәа рыбжьыҭара иаҳәоит Приднестровие атәылауаа рҿаҧхьа иқәгылоу ауснагӡатә хадақәа рыӡбара иазку ҧаса имҩаҧыжәгоз  ауаажәларра-политикатәи апарламенттәи усура ахә ҳаракны ишыршьо атәы.

Ҳара агәра ҳгоит,  Аҧсны Жәлар Реизара-Апарламенти Приднестровиатәи Молдавиатәи Ареспублика Иреиҳаӡоу Асовети русеицура аҧхьаҟагьы ҳҳәынҭқаррақәа рыбжьара ганрацәалатәи аимадара аҿиара ишацхраауа.

Ҳаҭыр зқәу Александр Виктор-иҧа! Ишәзеиҕьаҳшьоит Приднестровиатәи Молдавиатәи Ареспублика Иреиҳаӡоу Асовет Ахантәаҩы имаҵураҿы шәусураҟны аихьӡарақәа, агәабзиара, агәамч».


Возврат к списку