Вернуться к обычному виду

АҦсны ЖӘЛАР РЕИЗАРА – АПАРЛАМЕНТ

Аофициалтә саит

Азеиҧш информациа

Азеиҧш информациа

Аҧсны Аҳәынҭқарра (Аҧсны) – ажәлар рхы иақәиҭны ахатәҳәаақәҵаразы ирымоу азин инақәыршәаны ҭоурыхла ишьақәгылаз ихьыҧшым, идемократиатәу, изинтәу ҳәынҭқарроуп.

Аофициалтә хьӡы:

Аҧсны Аҳәынҭқарра

Аҳҭнықалақь:

Аҟәа

Административтә-ҵакырадгьылтә еихшара:

Аԥсны аҵакырадгьыл 7 административтә раионк рыла еихшоуп: Гагратәи, Гәдоуҭатәи, Аҟәатәи, Гәылрыԥшьтәи, Очамчыратәи, Тҟәарчалтәи, Галтәи.

Аҳәынҭқарратә бызшәа:

Аԥсны ҳәынҭқарратә бызшәас иҟоуп аҧсуа бызшәа, аурыс бызшәа аҧсшәа инаваргыланы амилаҭқәа реилибакаара бызшәас иҟоуп.

Адинхаҵара:

Аԥсуаа реиҳараҩӡак ақьырсиан динхаҵара ныҟәыргоит, иҟоуп иара убас аҧсылманреи акатолицизми ныҟәызгақәо атәылауааи атрадициатә қьабзқәа ирықәныҟәо аҧсуааи.

Аҧара:

Аԥ сны ахархәара амоуп аурыс мааҭ.

Иқәынхо атәылауаа рхыҧхьаӡара:

242 286-ҩык.

Аҵакырадгьыл:

Азеиҧш ҵакыра – 8665 ҧшьыркца км ыҟоуп. Мраҭашәарантә мрагыларанӡа –170 км, аладантә аҩаданӡа – 65 км. Аҳәаақәа роура зынӡа - 600 км рҟынӡа инаӡоит. Урҭ рҟнытә 390 км – адгьылтә ҳәаауп, 210 км – амшынтә ҳәаауп.

Иҳаракӡоу ашьха:

Домбаи Ульген (4049м).

Аҳәаақәа:

Аҧсны аҵакырадгьыл ҳәаақәас иамоуп: ҩадантә – Кавказтәи Ашьхеибаркыра хада, ладантә – Амшын Еиқәа. Мраҭашәарахьала Аҧсны аӡиас Ҧсоу ала Урыстәылатәи Афедерациа иадуп, мрагыларахьала аӡиас Егры ала Қырҭтәыла иадуп.