Закрыть
Авторизация
Логин:
Пароль:

Забыли пароль?
Регистрация
Войти на сайт | Регистрация

Народное Собрание - Парламент Республики Абхазия

официальный сайт

31.05.2014

Иахьа Аҧсны Жәлар Реизара ирыдыркылеит ақәҵара

Ҳаҭыр зқәу ҳауаажәлар!

Иахьа Аҧсны Жәлар Реизара ирыдыркылеит ақәҵара. Ишыжәдыруа еиҧш аҵыхәтәантәи амшқәа рзы аҩныҵҟатәи аполитикатә хҭысқәа аиҿагылара ахь ииасит.

Аҧсны Жәлар Реизара арҭ амшқәа рзы ирылшоз зегьы ҟарҵон аҭагылазаашьа аҭышәынтәаразы. Иахьа иҳадаҳкылаз ақәҵара ишьақәнарҕәҕәоит Аҧсны Ахада инапанҵақәа рынагӡара Жәлар Реизара Аиҳабы иахь ишиасыз. Иазгәаҭоуп август 24 изаамҭанымтәиу Аҳәынҭқарра Ахада иалхра.

Ари адкылар, аиаша шәасҳәоит, имариамызт. Уи азхәыцра ду аҭаны, аконституциатә нормақәа ирықәыршәаны иҳадаҳкылеит.

Агәра шәсыргар сҭахәуп Жәлар Реизара адепутатцәа зегьы ҳаицҿакны иҳалшо зегьы шыҟаҳҵо, иаҳҧеиҧшуп алхрақәа рымҩаҧгаразы.

Ааҧхьара ҟасҵоит, иахьа ҳаауаажәлар еиҿамыргылакәан, аӡәк еиҧш ҳаидгыланы, еилых ҟамҵаӡакәа ҳаҧсадгьыл амаҵ азаҳурц.

Иҭабуп ҳәа расҳәоит иахьа Аҧсны иҟоу аполитикатә партиақәеи ауаажәларратә хеидкылақәеи зегьы, аветерантә оргонизациақәа “Аруаа” “Амцахара” иаадырҧшыз ачҳареи аилибакареи рзы.

Уаҵтәи Аҧсны аҧеиҧш знапаҿы иҟоу зегьы ааҧхьара шәысҭоит ҳаидгыланы, ҳахшыҩ еилаҵаны аҳәынҭқарра арҕәҕәараҿы аусқәа ҳаҧхьа ишьҭоу ҳаицрылагарц.

Анцәа Ду даҳхылаҧшааит ҳаҧсадгьыли ҳауаажәлари!


Возврат к списку