Закрыть
Авторизация
Логин:
Пароль:

Забыли пароль?
Регистрация
Войти на сайт | Регистрация

Народное Собрание - Парламент Республики Абхазия

официальный сайт

12.12.2014

Ноиабр 11 рзы, Ап,сны Аҳәынҭқарра Ахада Рауль Ҳаџьымба ажурналистцәа злахәыз апресс-конференциа мҩап,игеит.

Уи рхы аладырхәит Ап,сны амассатә информациатә харахәагақәа русзуҩцәа . Азҵаарақәа рҭак аҟаҵара далагаанӡа, Аҳәынҭқарра Ахада иаазыркьаҿны анализ рзиуит иахьа ҳтәылаҿы имҩап,ысуа ахҭысқәа. Ажурналистцәа рызҵаарақәа еиҳарак ҳауаажәлар ргәы иҵхо апроблемақәа ирыдҳәалан. Уахь иаҵанакәуеит анаркоманиа, акриминогентә ҭагылазаашьа, амҩатә машәырқәа уҳә.уб.иҵ. Зегь рап,хьаӡа иргыланы, Рауль Ҳаџьымба дазааҭгылеит иахьатәи Ап,сны анапхгара рнапынҵақәа ртәы. Насгьы иазгәеиҭеит абиуџьет еиҿкаарақәа рҭагылазаашьа шыуадаҩызгьы, аусбарҭақәа ишрылдыршаз еип,ҟьарак амоукәа уи анагӡара.

“ Иахьа ҳап,хьа ишьҭоу адҵақәа рхып,хьаӡара маҷым. Иааизакны ҳахәап,шуазар, аҳәынҭқарратә еилазаара аус ӷәӷәаны иауроуп, ҳекономика ашьҭыхразы. Убри инамаданы, ҳтәылаҿы алеишәа ҷыдеи, афинанстә џьа алеишәеи ап,ҵатәуп. Аҳәынҭқарра ахь ишахәҭоу ап,ара неиларц азыҳәан, ихадароуп ашәахтәқәеи аизгақәеи ианаамҭоу ршәара. Иҵару зҵааран иқәгылоуп иахьа ҳенергетикатә еилазаареи, акоммуналтә усбарҭакәеи . Арҭ апроблемақәа рыӡбаразы имаҷымкәа аҟәрышь аҭахәыуп. Убри азы ахархәаратә п,ара азып,шаатәуп. Ишаадыруеип,ш, иахьа ахашәалахәы ҳазҭаша аекономикатә усхкык ҳамам. Аҵыхәтәантәи ашықәсқәа раан Ап,сны аҿиара апрограмма акәзар, ахықәкы анагӡара алмыршакәа, акомплекстә план ашҟа ииаган.Уи ацынхәрас излагаз асоциалтә аобиектқәа рыргылара, аекономика азышьҭымхит ахашәалахәы даҽаџьара ахы археит. Ари аганахь аҭып, змоу азинеилагарақәа апрокуратура иҭнаҵаауеит.Ахара здылоу, фышықәса рыҩныҵҟа аус зуаз аргыларатә еилазаарақәа ашьауӷа рыдҵахоит”

Аҳәынҭқарра Ахада дазааҭгылеит ааигәа Ап,сни Урыстәылеи рнапы зҵарҩыз аиқәшаҳаҭра. Иҳәеит, ҳшацәхьамҵуа астратегиатә ҵакы змоу ҳаиҩызара. “Агәыӷра ҳамоуп ҳаизыҟазаашьа иҵегь иӷәӷәахап ҳәа.Уи ҳхы иархәаны, ҳхьып,шымра ахып,шагьы шьҭыхтәуп. Аиаша ҳҳәозар, ҳхымҩап,гашьа иабзоурахеит Урыстәыла аганахь ала агәграгара ахьаҳцәыӡыз. Жәаҳәарада, уи зыхҟьаз иаарышьҭуаз ап, арақәа ииашамкәа рныхра ауп. Аха, Анцәа иџьшьаны, аҵыхәтәантәи аиқәшаҳаҭра аан, даҽазныкгьы аилибакаара ҳабжьалеит.Уажәшьҭа ихадароуп иаауа ацхыраара иреалтәу аекономика хырхарҭа азалхра.Уи азҿлымҳара ду арҭоит Урыстәыла анапхгарагьы”.

Сааҭки бжаки ицоз апресс-конференица аҟны Рауль Ҳаџьымба ахәшьара аиҭеит атәыла афинанстә ҭагылазаашьа. Иазгәеиҭеит, ап,хьаҟа ҳауаажәлар рсоциалтә п,сҭазаара шьҭызхуа амҩақәа шып,шаатәу. “ Иахьа ашәахтәқәеи рылхра аус анагӡашьа уахәап,шуазар ,20% роуп абиуџьет ахь ицо. Ари аус цқьа иахылап,шзар,ҩ-ынтә еиҳаны абиуџьет ханарҭәаауеит”.

Рауль Ҳаџьымба дазааҭгылеит Ап,сныҟа иаауаз афинанстә цхыраарақәа ҩ-хырхарҭак шрымаз. Акы, абиуџьет ашьҭыхра, аҩбатәи- иазып,хьагәаҭаз акомплекстә план инақәыршәаны. “Уи ахырхарҭала иахьышьҭымыз иахҟьаны, ҳтәыла аҩныҵҟа аргыларатә еиҿкаарақәа рҟны 820 миллион ауал ҳақәуп. Иара убас, Урыстәылатәи аихамҩатә кредит 2 миллиардк уахь иналаҵаны. Ҩышықәса ирылагӡаны ҳаҿуп апроцентқәа ршәара. Ҳазҭало ашықәс азы иара акредит ахаҭа ашәара нап аркхоит, абанктә кредит 700 миллионк уахь иназлоу”.

Ап,сны Ахада дазааҭгылеит абиуџьет аусзуҩцәа руалафахәы ашьҭыхра атема. “Иара абиуџьет алшарақәа анализ азуны, ҳазҭалоу ашықәс азы иазып,хьагәаҭоуп 15 инаркны 70% рҟынӡа ауалафахәы ашьҭыхра.Уахь иаҵанакәеит, ап,суа тәанчахәы мацара зауа абыргцәагьы. Уи аҩыза адҵа рыҭоуп Ап,сны анапхгара”. Апресс-конференциаҿы иазааҭгылан Аҟәатәи аҳаир баӷәазеи, аихамҩеи раарта азҵаара. Ап,сны Ахада иҳәеит, акомплекстә план аҟны ишарбоу ала, аҳаир баӷәазеи аихамҩеи реиҭашьақәыргыларазы ап,ара шазоужьхоу. “ Аха урҭ ап,арақәа азхом аусқәа зегь рыӡбаразы. Убри инамаданы, даара ирацәоуп Ап,сны анҭыҵынтәи ажәалагалақәа. Ицоит аиҿцәажәарақәа.Убарҭ азҵаарақәа зегьы аныӡбахалак ашьҭахь, шықәсык -ҩышықәса рыҩныҵҟа аҳаир баӷәаза аусура иалагоит”.

Анаҩсан иалацәажәон Егрытәи афымца станциа азҵаара. Уи аганахь ала Рауль Ҳаџьымба игәаанагара иҳәеит:

“Макьаназы иҭҵаам афымца станциа аганахь ала иҟоу апроблемақәа зегьы. Агәра ҳгом иара уи 40% ҳәа изҿу аиқәшаҳаҭраҟны иарбоу ахашәалахәы аланагалоит ҳәа. Уи анаҩсан, иара Ап,сны аҳәаа иаҵанакәуа аобиект аҳәынҭқарра иахатәхароуп.Уи азы ихадароуп, Аҳәынҭқарра Ахадеи, Ап,сны анапхгареи рдокумент ап,ҵара”.

Ишьҭыхын аҳәынҭқарратә бызшәа азҵаарагьы. 2015 шықәсазы аусбарҭақәа зегь рыҿиаратә усура ап,сшәа ахь аиагара макьаназы ҳазхиам,- иҳәеит Рауль Ҳаџьымба. “Уи еиҳа ҳарманшәаларц азы ҳразҵааит ап,ышәа змоу ауаа. Ап,хьаҟа иаҳҭахыуп аусбарҭақәа зегь рҟны абызшәа рҵартә еип,ш аҭагылазаашьа рзап,ҵара”.

Апресс-конференциаҿы аинвестициа азҵаара аганахь инымхеит. “Ари ахырхарҭа иазҿлымҳау даара ирацәоуп. Жәаҳәарада, миллиардки 200 миллиони зыртәо акредит Урыстәылатәи абанкқәа рҟынтәи иазоужьхоит.Уи аиура зҽазызшәоу ауаҩы акомиссиа рҽап,хьа ибизнес план иахәҭоу аҩаӡара шамоу шьақәирӷәӷәароуп.Аха иазгәасҭарц сҭахыуп даҽакы: уаанӡа ишыҟаҳҵоз еип,ш ҭакп,хықәрада Урыстәылатәи абанкқәа рызныҟәара шыҟамло агәра шәсырогоит”.

Аҵыхәтәантәи аамҭазы ҳтәылаҿы аҭып, змаз амҩатә машәырқәа ртәы дазааҭгыло Рауль Ҳаџьымба иҳәеит:

“Ап,сны иахьаҵанакуа, еиҳараӡак Гал араион аҟны ихьанҭоу акриминалтә ҭагылазаашьа иахҟьаны, аҩныҵҟатәи аусқәа Рминистрра амчрақәа уахь идәықәҵан.Убри азы, амҩақәа русура еиҳа ип,сыҽхеит. Арҭ амашьынақәа бџьарда ҳҿар ҭадырхеит. Иаарласны Жәлар Реизара адепутатцәа ирыдыркыланы иҟоуп ари ахҭыс ап,хьзырҟәҟәаауа азакәан”.

Иара убас ирылацәажәеит, егьырҭ азҵаатәқәагьы:Ап,сны аҳәаақәа рҭагылазаашьа, аҭып,антәи аусбарҭақәа рышҟа алхрақәа уҳәа егьырҭгьы .

Апресс-конференциа хыркәшауа, Аҳәынҭқарра Ахада иҳәеит: “Ҳара есымшагьы, ҳаартызароуп, ҳапроблемақәа рыӡбаразы. Ҳауаажәлари ҳареи ҳаимадара ҳҳәынҭқарра аргыларазы акыр ихадароуп”.


Возврат к списку