Аԥсны Аҳәынҭқарра (Аԥсны) – ихьыҧшыму, идемократиатәу, изинтәу ҳәынҭқарроуп, ҭоурыхла ишьқәгылеит ажәлар аҽҳәаақәҵаразы ирымоу азин инақәыршәаны.

Аофициалтә хьӡы:

Аԥсны Аҳәынҭқарра

Аҳҭнықалақь:

Аҟәа

Аԥсны аҵакырадгьыл 7 административтә раионк рыла еихшоуп: Гагратәи, Гәдоуҭатәи, Аҟәатәи, Гәылрыԥшьтәи, Очамчыратәи, Ҭҟәарчалтәи, Галтәи.

Аҳәынҭқарратә бызшәа:

Аԥсны ҳәынҭқарратә бызшәас иҟоуп аҧсуа бызшәа, аурыс бызшәа аҧсшәа инаваргыланы амилаҭқәа реилибакаара бызшәас иҟоуп.

Адинхаҵара:

Аԥсуаа реиҳараҩӡак ақьырсиан динхаҵара ныҟәыргоит, иҟоуп иара убас атрадициатә қьабзқәеи, аҧсылманреи, акатолицизми ирықәныҟәо ауааҧсыра.

Аԥара:

Аԥсны ахархәара амоуп аурыс мааҭ.

Иқәынхо ауааҧсыра:

242,0 нызқьҩык.

Адгьылҵакыра:

Азеиҧш ҵакыра – 8665 км ҧшьыркца ыҟоуп. Мраҭашәарантә мрагыларанӡа – 170 км; аладантә аҩада – 65 км. Зынӡа аҳәаақәа роура - 600 км рҟынӡа инаӡоит, урҭ рыҟнытә 390 км – адгьыл аҟны, 210 км – амшын аҟны.

Зегь иреиҳау ашьха:

Домбаи-Ульген (4049 м)

Аҳәаақәа:

Аҧсны аҵакырадгьыл ҳәаақәас иамоуп: ҩадантә – Кавказтәи Ашьхеибаркыра хада, ладантә – Амшын Еиқәа. Мраҭашәарахьала аӡиас Ҧсоу инаваршәны Урыстәылатәи Афедерациа иадуп, мрагыларахь – аӡиас Егры ала Қырҭтәыла иадуп.