Аԥсны Жәлар Реизара – Апарламент Аиҳабы Валери Кәарҷиа Аԥсны Ахада Иирамш идиныҳәалеит.

Адныҳәалараҟны иҳәоуп:

«Ҳаҭыр зқәу Аслан Гьаргь-иԥа!

Гәык-ԥсык ала ишәыдысныҳәалоит Шәирамш!  

Шәара шәзы аҵак ҷыда змоу ари амш аҽны ишәзеиӷьасшьарц сҭахуп агәалаҟара бзиа, агәеизҳара, Аԥсны Аҳәынҭқарра аҿиаразы, ҳтәыла ауааԥсыра рыԥсҭазаара аиӷьтәразы шәнапы иану ихадароу аҳасабтәқәа рыӡбараҟны аихьӡарақәа,

Ҳаҭыр зқәу Аслан Гьаргь-иԥа!
Ҳазҭагылоу имариам аамҭазы ишәзеиӷьасшьоит ачҳара, агәабзиара, аҭынчра, ахирра!»