<p>Аҧсны Жәлар Реизара Ахантәаҩы – Валери Бганба Волгоградтәи аобласттә Дума Ахантәаҩы Николаи Семисотов идиныҳәалеит амчра аобласттә закәанҧҵаратә усбарҭа анапхгаҩы имаҵурахьы иалхра.
<p>Уи иҟаиҵаз адныҳәалараҿы иҳәоуп:
<p>“Ҳаҭыр зқәу Николаи Пиотр-иҧа!
<p>Гәык-ҧскала ишәыдысныҳәалоит Волгоградтәи аобласттә Дума Ахантәаҩыс шәалхра.
<p>Аҧсны Жәлар Реизара Шәара шәыхьӡ ала Волгоградтәи аобласттә Дума V ааҧхьара адепутатцәа ирыдныҳәало, ирзеиҕьанашьоит лҵшәа змоу азакәанҧҵаратә усура, апарламентарицәа рҿаҧхьа иқәгылоу аҳәынҭқарратә уснагӡатәқәа рҿы аихьӡарақәа.
,p>Ҳара аҵак ду аҳҭоит Волгоградтәи аобласти ҳареи ҳабжьара ишьақәгылаз аиҩызаратә еизыҟазаашьеи ганрацәалатәи аусеицуреи, агәрагьы аагоит урҭ ҧхьаҟагьы аҿиара шроууа”.
,p>Валери Бганба Николаи Семисотов изеиҕьаишьеит апарламенттә усураҿы ақәҿиара дуқәа, анасыҧ, аизҳазыҕьара.