Аԥсны Жәлар Реизара – Апарламент Аиҳабы Ашәба Лаша Аԥсны жәлар Аҳәынҭқарратә бираҟ амш рыдиныҳәалеит.

Адныҳәаларҟны иҳәоуп:

"Ҳаҭыр зқәу ҳауаажәлар!

Аԥсны Жәлар Реизара – Апарламент ахьӡала ишәыдысныҳәалоит Аԥсны Аҳәынҭқарратә бираҟ амш!  

Аҵак ду змоу ари аҳәынҭқарратә ныҳәа ҳажәлар зегьы еидызкыло, ажәытә, аҿатә, аԥхьаҟатәи ҳԥеиԥш еимаздо мшуп.

Ҳҳәынҭқарра аҭоурых ахатә хаҿра амоуп. Уи аԥҵан ҳбызшәеи ҳкультуратә традициақәеи реиқәырхара зылшаз, ҳҳәынҭқарра шьақәзыргылаз ҳабацәа рыла.  

Аԥсны Аҳәынҭқарратә бираҟ – иахьатәи Аԥсуа аҳәынҭқарра ахьыԥшымра атәы зҳәо символуп. Уи ианыԥшуеит ҳҳәынҭқарратә, ҳкультуратә, ҳҭоурыхтә ҵасқәа, ҳгимни ҳгерби реиԥш, адунеитә уаажәларраҟны иара алызкаауа, адәныҟатәи аизыҟазаашьақәа хаҭарнакра рзызуа Аԥсны   аҳәынҭқарратә дырганы иҟоуп.  

Акыр иаԥсоу аҩызцәа! Ҳара ҳажәлар ахаан аахыс иԥшьоу ҳ-Аԥсадгьыл атрадициақәа ирыхӡыӡаауа иааргоит. Иахьа Аԥсны Аҳәынҭқарра аԥеиԥш шәареи ҳареи иаҳчаԥоит, аԥхьаҟа мчы змоу, еизҳазыӷьо ҳәынҭқарраны аҟаларазы иҳалшо зегьы ҟаҳҵоит. Ҳара агәра ҳгоит хьӡи-ԥшеи змоу Аԥсны Аҳәынҭқарратә бираҟ наунагӡа ҳтәыла ишахашәыршәырло.

Аԥсны Аҳәынҭқарратә бираҟ амш шәыдысныҳәалоит зегьы!"