Аҧсны Аҳәынҭқарра Аџьатә Кодекс апроект ахцәажәара иазкын Асоциалтә политикеи, аџьеи, агәабзиареи ирызку Аҧсны Жәлар Реизара аилак изаамҭанытәиу аилатәара. Уи мҩаҧигеит Аилак ахантәаҩы Аполлон Гәыргәлиа.

Аилатәара иалахәын Аҧсны Жәлар Реизара Ахантәаҩы ихаҭыҧуаҩ Емма Гамсаниа, Вагаршак Косиан, абиуџьети, акредиттә еиҿкаарақәеи, ашәахтәқәеи, афинансқәеи рзы Аилак ахантәаҩы ихаҭыҧуаҩ Беслан Ҵнариа, аҧыза-министр ихаҭыҧуаҩ, Аҧсны Аҳәынҭқарра Аџьеи, усурала аиқәыршәареи, асоциалтә лшарақәеи рзы аминистр Сурен Кереселиан.

Аилатәара иалахәыз Аҧсны Аҳәынҭқарра Аџьатә Кодекс апроект актәи аҧхьарала адкылара аҭахуп ҳәа азгәарҭеит.