Уи иҟаиҵаз адныҳәалараҿы иҳәоуп:
“Ҳаҭыр зқәу Валери Рамшьыхә-иҧа!
Приднестровтәи Молдовтәи Ареспублика Иреиҳаӡоу Асовет ахьӡала, хаҭала сара сыхьӡала ишәыдысныҳәалоит Аҧсны Аҳәынҭқарра Аконституциа Амш.
20 шықәса раҧхьа, ноиабр 26, 1994 шықәсазы шәтәыла Азакәан Хада шәыдышәкылеит. Ари Аҧсны атәылауаа рзы Аҳәынҭқарра аҿиараҿы даҟьа ҿыцны иаатыз, акрызҵазкуа хҭысны иҟалеит. Аконституциа Аҧсны жәлар ракра шьақәнарҕәҕәеит, атәыла аҧсҭазаараҿы иеиуеиҧшым аганқәа рыҟны ҧхьаҟатәи аиҭакрақәа рзы алшара дуқәа аанартит.
Агәра ганы сыҟоуп, Аконституциа аринахысгьы аҳәынҭқарратә уснагӡатәқәа рыӡбараҿы шьаҟа бзианы ишаҵагыло, аҳәынҭқарраҿы аҭынчреи асоциалтә ҭышәынтәалареи рышьақәырҕәҕәара ишацхраауа.
Акрызҵазкуа ари амш аҽны, Валери Рамшьыхә-иҧа, азин сышәҭ, шәара шәыхьӡала аҧсуа жәлар зегьы аизҳазыҕьара, рнапы зларкуа аусқәа рыҟны аихьӡарақәа рзеиҕьашьара. Агәра згоит ҳаиашьаратә ҳәынҭқаррақәа рпарламентқәа рыбжьара аҧхьаҟагьы ганрацәалатәи аимадарақәа шырҕәҕәахо”.