Аҧсны Жәлар Реизара аделегациа алахәын Беларуси Урыстәылеи Реидгыла Апарламенттә Еизараҟны Беларуси Урыстәылеи Реидгыла Апарламенттә Еизара аҩынҩажәабыжьбатәи асессиа. Беларуси Урыстәылеи Реидгыла Апарламенттә Еизара изаамҭанытәиу асессиа ауснагӡатәқәа мҩаҧысит ақ. Шәача декабр 5 рзы.
Апарламенттә делегациа иалахәын Аҧсны Жәлар Реизара Ахантәаҩы ихаҭыҧуаҩ Даур Аршба – аделегациа анапхгаҩы, атәылахьчареи амилаҭтә шәарҭадареи рзы Аҧсны Жәлар Реизара Аилак алахәылаҩ Аслан Кобахиа, Аҧсны Жәлар Реизара Аппарат анапхгаҩы Вадим Бжьаниа. Урҭ ҩ-пленартә еилатәарак ирылахәын. Апленартә еилатәарақәа хантәаҩра рзыруан Урыстәылатәи Афедерациа Афедералтә Еизара Аҳәынҭқарратә Дума Ахантәаҩы – Белоруси Урыстәылеи Реидгыла Апарламенттә Еизара Ахантәаҩы Сергеи Нарышкини Ареспублика Беларус Амилаҭтә еизара ахаҭарнакцәа р-Палата Ахантәаҩы ихаҭыҧуаҩ Владимир Андреиченкои. ,p>Асессиа аҳәаақәа ирҭагӡаны Апарламенттә Еизара адепутатцәа ирыдыркылеит Аидгыларатә ҳәынҭқарра 2015 шықәсазтәи абиуџьет, ишьақәырҕәҕәан аусура аплан-аихшанҵеи 2015 шықәсазтәи жәларбжьаратәи аусзура Аплан, ирыдыркылеит Аидгыларатә ҳәынҭқарра абиуџьет Ашьақәыргылашьеи анагӡашьа ҿыци иара убас адепутатцәа ишьақәдырҕәҕәеит Апарламенттә Еизара адепутатцәеи акомиссиеи реилазаараҿы иҟалаз аҧсахрақәа.
Имҩаҧысыз асессиа ауснагӡатәқәа ирҭагӡаны аҧснытәи адепутатцәа иформалтәым аицәажәараан алшара рыман ргәаанагарақәеи иақәнагаз аинформациеи рцәыргаразы урыстәылатәии белорустәии рҩызцәа, 2008 шықәса раахыс Белоруси Урыстәылеи Реидгыла Апарламент аҟны иааиҧмырҟьаӡакәа анаҧшҩы истатус змоу Алада Уаҧстәыла Апарламент ахаҭарнакцәа рыҟны.
Есымчыбжьатәи Аҧсны Жәлар Реизара аилатәараҟны Аҧсны Жәлар Реизара Ахантәаҩы ихаҭыҧуаҩ Даур Аршба аҧсуа делегациа злахәыз аилатәара далацәажәо инаҵшьны иазгәеиҭеит иарбоу апарламентбжьаратә усеицура аформа хырҳага шамоу, насгьы аҧсуа ган аусураҟны иҵегьы хырҳагала ахархәара шаҭаху, иара убас аҳәынҭқаррабжьаратә еизыҟазаашьақәа рырҿиара аус аҟынгьы.
Иун мза 2015 шықәсазы Беларус аҳҭнықалақь Минск иазгәаҭоуп Белоруси Урыстәылеи Реидгыла Апарламент ҩынҩажәиаабатәи асессиа амҩаҧгара. Ари асессиахь ааҧхьара аныҟала, Аҧсны Жәлар Реизара хымҧада уи иалахәхароуп, избан акәзар ари аформат ганрацәалатәи аусеицура арҿиаразы алшара ҳнаҭоит ҳәа азгәеиҭеит Даур Аршба.