Иахьа Аҧсны Жәлар Реизара аделегациа Краснодартәи атәылаҿацә Азакәанҧҵаратә Еизара 20 шықәса ахыҵра иазку агәырҕьаратә усмҩаҧатәқәа ирылахәуп. Апарламенттә делегациа аилазаараҟны иҟоуп Аҧсны Жәлар Реизара Ахантәаҩы ихаҭыҧуаҩ Вагаршак Косиан – аделегациа анапхгаҩы, жәларбжьаратәии апарламентбжьаратәии еимадарақәеи ҳџьынџьуааи ҳареи ҳаимадареи рзы Аҧсны Жәлар Реизара Аилак ахантәаҩыИури Зыхәба, абиуџьети, акредиттә еиҿкаарақәеи, ашәахтәқәеи, афинансқәеи рзы Аҧсны Жәлар Реизара Аилак алахәылаҩ Анзор Кокосқьериа. Ари аусмҩаҧгатә аҳәаа иҭагӡаны иазгәаҭоуп аҧсуа делегациеи Краснодартәи атәылаҿацә Азакәанҧҵаратә Еизара Ахантәаҩи реиҧылара. Иара убас аделагциа алахәхараны иҟоуп Г. Ф. Пономаренко ихьӡ зху Краснодартәи атәылаҿацәтә филармониаҟны имҩаҧысуа агәырҕьаратә еизара.

Аҧсны Жәлар Реизареи Краснодартәи атәылаҿацә Азакәанҧҵаратә Еизареи русеицура еиҳа иеизааигәаны аҿиара иалагеит 2005 шықәса инаркны, Краснодартәи атәылаҿацә аҟны имҩаҧысыз Алада - Урыстәылатәи Апарламенттә Ассоциациа IV Аконференциаҟны Аҧсны Жәлар Реизара ассоциациатә лахәыларатә зинқәа рыла Алада - Урыстәылатәи Апарламенттә Ассоциациа ианалала.