Аилатәара мҩаҧигеит Аҧсны Жәлар Реизара Ахантәаҩы Валери Бганба.

Ирыхәаҧшын аҵыхәтәантәи аҧхьараҿы иагьрыдыкылан азакәанапроектқәа: “Аидгылареи астратегиатә еиҩызареи рзы Аҧсны Аҳәынҭқарреи Урыстәылатәи Афедерациеи рыбжьара Аиқәшаҳаҭра ашьақәырҕәҕәразы”.

Ажәахәҟаҵаҩы – Аҧсны Жәлар Реизараҟны Аҧсны Аҳәынҭқарра Ахада Ихаҭарнакс иҟоу Дмитри Шамба. “2014 шықәсазы Аҧсны аҳәынҭқарратә биуџьет азы “Аҧсны Аҳәынҭқарра азакәан аҧсахрақәа ралагаларазы”.

Ажәахәҟаҵаҩы – Аҧсны Жәлар Реизараҟны Аҧсны Аҳәынҭқарра Ахада Ихаҭарнакс иҟоу Дмитри Шамба.

Ирыхәаҧшын, актәи аҧхьараҿы иагьрдыкылан азакәанапроектқәа: “Аинформациа аиуразы азин азы” Аҧсны Аҳәынҭқарра Азакәан аҧсахрақәа ралагаларазы”.

Ажәахәҟаҵаҩы: аҵараиуреи, аҭҵаарадырреи, акультуреи, адини, аҿар русқәеи аспорти рзы Аҧсны Жәлар Реизара Аилак алахәылаҩ Левон Галустиан.

Иара убас актәи аҧхьараан ирыдыркылеит аӡбаратә мчхара аиҭакра иадҳәалоу азакәанапроектқәа жәпакы. Урҭ цәыригеит азинтә политкеи, аҳәынҭқарра ргылареи, ауаҩы изинқәеи рзы Аҧсны Жәлар Реизара Аилак ахантәаҩы Валери Агрба.

Ирыхәаҧшын иагьрыдкылан “Жәларбжьаратәи аиқәшаҳаҭрақәа рыпроектқәа рзы” Аҧсны Жәлар Реизара Ақәҵарақәа.

Ажәахәҟаҵаҩы - Аҧсны Жәлар Реизара Ахантәаҩы Валери Бганба. “Аҧсны Аҳәынҭқарра Агәаҭаратә палата аныҟәгаразы аныхтәқәа 2015 шықәсазтәи Рхарџьынҵа ашьақәырҕәҕәаразы”.

Ажәахәҟаҵаҩы – абиуџьети, акредиттә еиҿкаарақәеи, ашәахтәқәеи, афинансқәеи рзы Аҧсны Жәлар Реизара Аилак ахантәаҩы Гьаргь Агрба.

“Гәдоуҭа араион Ҧсырӡха ақыҭан адгьылтә хәҭақәа 0,10 га акатегориаҟнытә акатегориахь риагаразы Аҧсны Аминистрцәа Реилазаара разыразхаразы”.

Ажәахәҟаҵаҩы – аграртә политкеи, аҧсабаратә цхыраагӡақәеи, аекологиеи рзы Аҧсны Жәлар Реизара Аилак ахантәаҩы Кан Кәарҷиа.