Аҧсны Аҳәынҭқарра Ахада Рауль Ҳаџьымба “Аконституциа ареформа азуразы Акомиссиа аҧҵаразы” Ақәҵара инапы аҵаиҩит. Ақәҵараҿы иарбоуп:

“Аҳәынҭқарратә мчхара аинститути аҭыҧантәи халанапхгареи ареформа рзура иазку Аҧсны Аҳәынҭқарра Аконституциа арҽеирақәа аус рыдулара хықәкыс иҟаҵаны:

1. Аконституциа ареформа азуразы Акомиссиа аҧҵазааит;

2. Аконституциа ареформа азуразы Акомиссиа иарбоу аилазаара шьақәырҕәҕәазааит:

1) Ҳаџьымба Р. Џь. – Аҧсны Аҳәынҭқарра Ахада - Акомиссиа ахантәаҩы;

2) Аҩӡба Л. В. – азиндырҩы;

3) Агрба В. В. – Аҧсны Жәлар Реизара-Апарламент азинтә политикеи, аҳәынҭкарра ргылареи, ауаҩы изинқәеи рзы Аилак ахантәаҩы;

4) Апба А. Ш. – азиндырҩы;

5) Аршба Д. Д. – Аҧсны Жәлар Реизара-Апарламент Ахантәаҩы ихаҭыҧуаҩ;

6) Ашәба Н. Н. – аполитикатә партиа “Амцахара” аполитикатә хеилак алахәылаҩ;

7) Бганба В. Р. – Аҧсны Аҳәынҭқарра Жәлар Реизара-Апарламент Ахантәаҩы;

8) Габниа В. В. – Аҧсны Ахада ихатыҧуаҩ;

9) Габниа Г. Г. – Аҧсны Аекономика Аҿиара Апартиа ахантәаҩы ихаҭыҧуаҩ;

10) Қьецба Ҭ. И. – ААУ азиндырратә факультет арҵаҩы еиҳабы;

11) Кьылба М. С. – Аҧсны Аҳәынҭқарра ашәарҭадаразы Ахеилак амаӡаныҟәгаҩ;

12) Қорсаиа Е. З. – ААУ азиндырратә факультет арҵаҩы еиҳабы;

13) Лакоба И. В. – Аҧсны Жәлар рпартиа ахантәаҩы;

14) Ломиа А. К. – Аҧсны Аҳәынҭқарра апрокурор Хада;

15) Мышәба Р. Ч. – Аҧсны Аҳәынҭқара Иреиҳаӡоу Аӡбарҭа ахантәаҩы;

16) Ҧилиа М. Ш. – Аҧсны Аҳәынҭқарра аиустициа аминистр;

17) Смыр С. М. – ААУ азиндырратә факультет адекан;

18) Табаҕәуа Б. И. – Аҧсны Аҳәынҭқарра Алхратә Комиссиа ахантәаҩы;

19) Ҭаниа А. Г. – Аҧсны Аҳәынҭқарра Ахада Иусбарҭа анапхгаҩы Ахада Иусбарҭа анапхгаҩы;

20) Шамба Д. М. – Аҧсны Аҳәынҭқарра Ахада Иусбарҭа анапхгаҩы актәи ихаҭыҧуаҩ – Акомиссиа амаӡаныҟәгаҩ”.

Аҧсны Ахада Р. Ҳаџьымба

Аҟәа ақ.

Ажьырныҳәа 22, 2015 ш.

№ 10