Аҧсны Жәлар Реизараҿы имҩаҧысит «Агәабзиарахьчаразы»Аҧсны Аҳәынҭқарра Азакәан аус адуларазы аусуратә гәыҧ аилатәара. Аилатәара мҩаҧигеит аусуратә гәыҧ ахантәаҩы, асоциалтә политикеи, аџьеи, агәабзиарахьчареи рзы Аҧсны Жәлар Реизара Аилак ахантәаҩы Аполлон Гәыргәлиа. ,p.Аусуратә гәыҧ аусура нанагӡоит Аҧсны Аҳәынҭқарра ҧхынҷкәын 29, 2014 шықәсазы ирыдыркылаз «Агәабзиарахьчарази» «Аҧсны Аҳәынҭқарра атәылауаа амедецинатә ҧгаҧса рзурази» азакәанқәа рыпроектқәа аус рыдуларазы Аҧсны Жәлар Реизара – Апарламент аусуратә гәыҧ азы» Аҧсны Жәлар Реизара Ақәҵара инақәыршәаны.

«Агәабзиарахьчаразы» Аҧсны Аҳәынҭқарра Азакәан апроект аус адулара мҩаҧысуеит Аҧсны Аҳәынҭқарра агәабзиарахьчара асистема аҧхьаҟа аҿиара алыршара хықәкыс иҟаҵаны. Аилатәараан уи иалахәыз Аҧсны Аҳәынҭқарра аиустициа Аминистрра иқәнаргылаз иарбоу азакәанапроект арҽеирақәа ирылацәажәеит.

Аусуратә гәыҧ аилатәара иалахәын адепутатцәа: Леонид Чамагәуа, Беслан Ҵнариа, Ахра Бжьаниа, Алмас Џьапуа, Ахра Кәакәасқьыр, Аҧсны Аҳәынҭқарра агәабзиарахьчара аминистр ихаҭыҧуаҩ Ҭамаз Ҵахнакиа, Аҧсны Аҳәынҭқарра хымҧадатәи амедицинатә ҧгаҧсазы Афонд ахантәаҩы Валентина Ажьиҧҳа, Аҧсны Аҳәынҭқарра аиуститциа Аминистрра азакәанҧҵара аҟәша аиҳабы Алхас Хәупориа, Апарламент азинтәи аналитикатәи ҟәша ареферент еиҳабы Алиса Арӡынба.