Иҟаиҵаз адныҳәалараҟны Оҭар Ҵәыџьба иагәеиҭеит Станислав Кесаев хаҭала Аҩадатәи Урыстәыла – Аланиеи, Аладатәи Урыстәыла егьырҭ арегионқәеи, Аҩадатәи Кавкази Аҧсни ганрацәалатәи реизыҟазаашьа арҕәҕәараҟны иҟаиҵо алагаламҭа Аҧсны ахә ҳаракны ишыршьо. Уи иколлега изеиҕьеишьеит агәабзиара, анасыҧ, инапы злаку аусқәа зегьы рыҟны аихьӡарақәа.
Кесаев Станислав Магомеҭ-иҧа Аҩадатәи Уаҧстәыла Апарламент аҩбатәи, ахҧатәи, аҧшьбатәи, ахәбатәи ааҧхьарақәа дырдепутатуп, Уаҧстәыла аҧшьбатәии уажәы аус зуеи Апарламент Аиҳабы актәи ихаҭыҧуаҩыс дыҟоуп, «Иаку Урыстәыла Россия» афракциа алахәылаҩуп, профессоруп, Аҩада-Уаҧстәылтәи аҳәынҭқарратә университет акафедра деиҳабуп. Диит 1950 ш. ҧхынгәы 16 рзы Аҩада-Уаҧстәылтәи АССР Дигортәи араион Дигора ақ. аҟны..
1972 ш. далгеит К.Л. Хетагуров ихьӡ зху Ауаҧстәылатә ҳәынҭқарратә университет азиндырратә факультет, абра аусурагьы далагеит. 1977 ш. А.А. Жданов ихьӡ зху Ленинградтәи ауниверситет аҟны акандидаттә диссертациа ихьчеит.
Ауниверситет аҟны аҧышәа ду иоуит иусуразы: ассистентын, рҵаҩы еиҳабын, доцентуп, профессоруп. Аҳәынҭқарра атеориеи аҭоурыхи, азини ркафедра деиҳабуп
1990 шықәса раахыс С. М. Кесаев – Уаҧстәыла Иреиҳаӡоу Асовет дадепутатуп. 1993-1995 шш. – азакәанҧҵареи, азакәанреи, ауаажәларратә шәарҭадареи рзы Аилак хантәаҩра азиуеит. 1997ш.- 1998 ш. – Аҩадатәи Кавказ азы УА арегионалтәи амилаҭтәи политика Раминистрра адгьылҵакыратә усбарҭа аиҳабы ихаҭыҧуаҩыс аус иуеит. 1998–1999 шш. – Аҩадатәи Уаҧстәыла – Аланиа Ахада иабжьагаҩыс дыҟоуп, Аҩадатәи Уаҧстәылаа – Аланиа Апарламент аҟны Ахада хаҭарнакра изиуеит. 1999 - 2005 шш. – Аҩадатәи Урыстәыла – Аланиа Апарламент Аиҳабы ихаҭыҧуаҩыс дыҟоуп.
2005 ш. рашәарамза 30 рзы Аҩадатәи Уаҧстәыла – Аланиа Апарламент Аиҳабы актәи ихаҭыҧуаҩыс далхуп.
Ианашьоуп «Аиҩызара» аорден, «Аиҩызара» орденом (Аладатәи Уаҧстәыла Ареспублика), «Аҧсадгьыл аҿаҧхьа алшамҭақәа рзы» амедаль II аҩаӡара, амедаль «Уаҧстәыла Ахьӡ-аҧшазы». Аҩадатәи Уаҧстәыла – Аланиа зҽаҧсазтәыз артист, Аладатәи уаҧстәыла зҽаҧсазтәыз аиурист. Станислав Кесаев дырдыруеит Аҩадатәи Уаҧстәыла – Аланиа ауаажәларра-политикатә усзуҩык иаҳасабала. Аҧсны аҳәынҭқарраҟны Станислава Кесаев зыгәрагоу ҩызак, патриотк, иҟәыҕоу политикк иаҳасбала, аҧсны жәлар есқьынгьы гәыкала иазыҟоу аӡәы иеиҧш.