Алада Уаҧстәылатәи Ареспублика аганахьала Қырҭтәыла имҩаҧнагаз бџьаршьҭыхла агрессиа быжьшықәса ахыҵра аламҭалазы Жәлар Реизара Аиҳабы Бганба Валери Алада Уаҧстәылатәи Ареспублика Апарламент Аиҳабы Анатоли Бибилов ихьӡала ашәҟәы дәықәиҵеит .
Уи ишәҟәы аҟны иҳәоуп:
«Ҳаҭыр зқу Анатоли Илиа-иҧа!
Азин сышәҭ, Аҧсны Жәлар Реизара аҟнытә Алада Уаҧстәылатәи Ареспублика Апарламенти Алада Уаҧстәыла ажәлар зегьи илахьеиқәҵагоу 2008 шықәса нанҳәамзазтәи ахҭысқәа быжьшықәсархыҵра инамаданы Шәара шәыхьӡала гәалсрыла рыдышшыларазы.
2008 шықәса нанҳәа мза 8 рзы иҭахаз Уаҧстәыла атәылауаа, Цхинвал ахьчаҩцәеи урыстәылатәи абжьаҟазауааи ирызку шәхьаа шәыцеиҩысшоит. Урҭ аладауаҧсытәала ажәлар зегьи шәҳәынқарра ахьыҧшымреи рхы рықәырҵеит.
Агәра ганы ҳаҟоуп, Алада Уаҧстәылатәи Ареспублика атәылауаа рыҧсҭазаара зыхҭнырҵаз аиааира ахааназы ишырхьчало, аихьӡара ҿыцқәа ишырзықәҧало аҿиареи аизҳазыҕьареи амҩа ылхны.
Аринахысгьы ганрацәалатәи апарламентбжьаратә усеицура аҿиара хықәкыс ишҳамоу шьақәырҕәҕәо, Алада Уаҧстәылатәи Ареспублика ажәлар ирзеиҕьаҳшьоит аҭынчра, анасыҧ, ашәҭыкакаҷра».