Аиҧылара иалахәыз Аҧсни Урыстәылатәи Афедерациеи рыбжьара ганрацәалатәи аусеицура хықәкыс измаз апарламенттә усеицнагӡара азҵаарақәа ирыхәаҧшит. Иара убас имҩаҧган Урыстәылатәи Афедерациа Афедералтә Еизара Афедерациа Ахеилаки Жәлар Реизареи русеицуразы Акомиссиа аҧхьаҟатәи аусура алацәажәара.
Изыхцәажәаз атемақәа рыҩныҵҟа иҟан 2014 шықәсазтәи Урыстәылатәи Афедерациеи Аҧсни аидгылареи астратегиатә усеицуреи рзы ирыбжьоу Аиқәшаҳаҭра анагӡара апарламенттә хылаҧшра аҭара азҵаарақәеи абри Аиқәшаҳаҭра иацҵаны арҿиаразы ззырхиара мҩаҧысуа Аҧсни Урыстәылатәи Афедерациеи рыбжьара аизыразрақәа рпроектқәа. Ишьҭыхын асоциалтәи, агуманитартәи ҟәшақәа рпроблемақәа, лымкаала, атәыла ашколқәа урыстәылатәи арҵага шәҟәқәа рыла реиқәыршәара, иара убас Аҧсны аҧхьаҟа азхаҵара ацхраара азҵаарақәа.
Аиҧылара иалахәын Жәлар Реизара Аиҳабы Валери Бганба, Жәлар Реизара Аиҳабы ихаҭыҧуаҩы, Урыстәылатәи Афедерациа Афедералтә Еизара Афедерациа Ахеилаки Жәлар Реизареи русеицуразы Акомиссиа аҧсуа ган аҟнытә ацхантәаҩы Даур Аршба; атәылахьчареи амилаттә шәарҭадареи рзы Жәлар Реизара аилак ахантәаҩы Фазлыбеи Аҩыӡбеи уи ихаҭыҧуаҩы Михаил Сангәлиеи; жәларбжьаратәии апарламентбжьаратә еимадарақәеи аџьынџьуаа рыҽрымадаразы Аилак алахәылаҩ Саид Ҳаразиа, асоциалтә политикеи, аџьеи, агәабзиарахьчареи рзы Аилак ахантәаҩы ихаҭыҧуаҩы Леонид Чамагәуа. Урыстәылатәи аган аҟнытә аиҧылара иалахәын Урыстәылатәи Афедерациа Афедералтә Еизара Афедерациа Ахеилак атәылахьчареи ашәарҭадареи рзы Аилак ахантәаҩы, Аҧсны иҟоу Аҷыдалкаатәи Амчнаӡа змоуи Ацҳаражәҳәаҩ Семион Григориев.
Урыстәылатәи Афедерациа Афедералтә Еизара Афедерациа Ахеилак аделегациа аилазаараҟны иҟан: аделегациа анапхгаҩы, Афедерациа Ахеилак, атәылахьчареи ашәарҭадареи рзы Аилак ахантәаҩы, Урыстәылатәи Афедерациа Афедералтә Еизара Афедерациа Ахеилаки Жәлар Реизареи русеицуразы Акомиссиа аурыс ган аҟнытә ацхантәаҩы Виктор Озеров; атәылахьчареи ашәарҭадареи рзы Аилак ахантәаҩы актәи ихаҭыҧуаҩцәа Евгени Серебренникови Александр Чекалини; атәылахьчареи ашәарҭадареи рзы Аилак аппарат анапхгаҩы Валери Помогаибини, атәылахьчареи ашәарҭадареи рзы Афедерациа Ахеилак Аилак абжьагаҩ Константин Копаев.