Урыстәылатәи Афедерациа Афедералтә Еизара Афедерациа Ахеилак Ахантәаҩы ихаҭыҧуаҩы Галина Карелова иҟалҵаз ааҧхьарала Жәлар Реизара Аиҳабы ихаҭыҧуаҩы Емма Гамсаниаҧҳа Евразиатәи аҳәса рфорум далахәхоит. Уи мҩаҧысуеит цәыббрамза 24 – 25 рзы Санкт-Петербург Тавриа-хан аҟны.

Афорум еиҿкааҩцәас иамоуп Аҳәынҭқаррақәа рпарламентбжьаратә Ассамблеиа – Ихьыҧшым Аҳәынҭқаррақәа Реиҩызара алахәылаҩцәеи Урыстәылатәи Афедерациа Афедерал Еизара Афедерациеи.

Афорум аусура рҽаладырхәуеит адепутатцәа, адунеи атәылақәа жәпакы рыҟнытә амчрақәа рынагӡаратә усбарҭақәа рнапхгаҩцәа, аустә еиҿкаарақәа, аҭҵаарадырратә уаажәларрақәа рхаҭарнакцәа - Ихьыҧшым Аҳәынҭқаррақәа Реиҩызара алахәылаҩцәеи аусеицуразы Шанхаитәи аиҿкаарақәеи рыҟнытә, жәларбжьаратәи аҳәсатә еиҿкаарақәа рыҟнытә иеицырдыруа аусзуҩцәа.