Урыстәылатәи Афедерациа Афедералтә Еизара Аҳәынҭқарратә Дума Аҧсны Жәлар Реизара аҽрымадаразы адепутаттә гәыҧ ахылаҧшҩы, УА Аҳәынҭдума атәылауҩратә, ашьауҕатә, абжьаҟазаратәи апроцессуалтә закәанҧҵара Аилак ахантәаҩы ихаҭыҧуаҩы Алеқсандр Ремезков Жәлар Реизара Аиҳабы Валери Бганба Аҧсны Ахьыҧшымра Амш идиныҳәалеит. «Ари амш Аҧсназы зегь реиҳа зҵакы дуу мшуп. Уи аҧсҭазаара аҽеиҭакра иасимволуп, Аҧсны жәларбжьаратәи адунеи аҟны аҳаҭыр ашьақәырҕәҕәара иалагамҭаны иҟалеит. Аҧсны жәлар иахьагьы агәымшәареи ачҳареи аарҧшны, ааҧсарада атәыла аекономика аиҭашьақәыргылара иаҿуп», - ҳәа азгәаҭоуп адныҳәалараҿы.