Имҩаҧысит Аҧсны Жәлар Реизара асессиа актәи ааҧынтәи аилатәара. Уи мҩаҧигеит Жәлар Реизара аиҳабы Валери Бганба.
Ирыхәаҧшуп иагьрыдкылоуп актәи аҧхьараан Аҧсны Аҳәынҭқарра азакәанқәа: «Изыцҵоу ахәҧсазы ашәахтә азы» «Аҧсны Аҳәынҭқарра Азакәан аҧсахрақәа ралагаларазы . Ажәахәҟаҵаҩы – Аҧсны Аҳәынҭқарра аҧыза-министр ихаҭыҧуаҩы Дмитри Сериков.
«Аҳәынҭқарратә ҳазазы» Аҧсны Аҳәынҭқарра Азакәан аҧсахрақәа ралагаларазы» Ажәахәҟаҵаҩы - Аҧсны Жәлар Реизараҟны Аҧсны Аҳәынҭқарра Ахада ихаҭыҧуаҩ Дмитри Шамба.
Ирыхәаҧшуп иагьрыдкылоуп Аҧсны Жәлар Реизара Ақәҵарақәа:
«Аҧсны Аҳәынҭқарра Амилаҭтә банк адәныҟатәи аудит амҩаҧгаразы Аҧсны Аҳәынҭқарра Амилаҭтә банк аудитор изы»
Ажәахәҟаҵаҩы – Абиуџьети, акредиттә еиҿкаарақәеи, ашәахтәқәеи, афинансқәеи рзы Аилак ахантәаҩы Гьаргь Агрба.
«Логәуа О. Ш. Аҧсны Аҳәынҭқарра Апрокурор хада ихаҭыҧуаҩ имаҵураҟнытә ихы иақәиҭтәразы». Ажәахәҟаҵаҩы – Жәлар Реизара аиҳабы Валери Бганба.