Аҧсны Жәлар Реизара аделегациа Алада Уаҧстәыла азакәанҧҵаратә усбарҭа аҧҵара 25 шықәсахыҵра азгәаҭара иазку аныҳәатә усмҩаҧгатәқәа ирылахәын. Урҭ мҩаҧысит Алада Уаҧстәылатәи ареспублика аҳҭнықалақь аҟны мшаҧымза 10 рзы. Алада Уаҧстәылатәи рколлегацәа рыдныҳәаларазы ицеит иара убас Аҧсны Жәлар Реизара аиҳабы Валери Бганбеи атәылахьчареи амилаҭтә шәарҭадареи рзы Аилак ахантәаҩы Фазлыбеи Аҩыӡбеи.

Алада Уаҧстәыла азакәанҧҵаратә усбарҭа аҧҵара 25 шықәсахыҵра азгәаҭара иазку аныҳәатә усмҩаҧгатәқәа ирылахәын иара убас УА Афедерациа Ахеилаки Аҳәынҭқарратә Дума Афедедералтә Еизареи, Аҩада Уаҧстәыла Ареспублика - Аланиа, Ашьха-Ҟарабахтәи Ареспублика, Донецктәи Жәлар Рреспубликеи Лугансктәи Жәлар Рреспубликеи рпарламенттә делегациақәа.

Аҧснытәи аделегациа идикылеит Алада Уаҧстәыла Ахада Леонид Тибилов. Аиҧылараан уи Валери Бганба ианаишьеит “Аиҩызара” аорден, Фазлыбеи Аҩыӡба - «Ареспублика Алада Уаҧстәыла 25-шықәсахыҵра ахьӡала» амедал.