Амч аиуит Аҧсны жәлар Реизара Аиҳабы Валери Бганбеи Донецктәи Жәлартә Республика Жәлар Рсовет Ахантәаҩы Денис Пушилини Лугансктәи Жәлартә Республика Жәлар Рсовет Ахантәаҩы Владимир Дегтиаренкои ирыбжьарҵаз азакәанҧҵаратә усураҟны аусеицуразы аиқәшаҳаҭра.

Аганқәа абарҭ аиқәшаҳаҭрақәа рнапы аҵарҩит апарламентбжьаратә еимадарақәа рырҕәҕәареи азакәанҧҵаратә усураҟны аҧышәеимадреи рзы. Апарламентбжьаратә еимадарақәа аҿиара иалагоит наҟ-ааҟ дасу ринтересқәа ҳасаб рзуны.

Аиқәшаҳаҭрақәа инарықәыршәаны, аусеицура ахырхарҭа хадақәаны иҟоуп: азакәанрҿиаратә процесс аиҕьтәра, азакәанҧҵаратә актқәеи урҭ рыпроектқәеи, аметодикатәи егьырҭ аматериалқәеи реимдара, адепутатцәеи, есқьынагьтәи аилакқәеи, апарламентқәа раппаратқәеи рыбжьара ишиашоу аимадарақәа рышьақәыргылареи рырҿиареи.

Апарламентарицәа Аганқәа апарламенттә усура иазкны имҩаҧырго аусмҩаҧгатәқәа рзы аинформациа еимырдалоит.