ПОПУЛЯРНОЕ
НОВОСТИ
06.05.2016
Поделиться в соцсетях:
Аҧсны жәлар Реизара Аиҳабы Валери Бганба аветеранцәа Аиааира Амш рыдиныҳәалеит
Маи 9 аламҭалазы Аҧсны жәлар Реизара Аиҳабы Валери Бганба аџьынџьтәылатә еибашьра дуӡӡа аветеранцәа Аиааира Амш рыдиныҳәалеит Адныҳәалараҟны иҳәоуп: «Аҧсны жәлар Реизара – Апарламент гәык-ҧсыкала ишәыдырныҳәалоит 71-тәи Аиааира Дуӡӡа ашықәсхыҵра! Иҧшьоу абри амш аҽны – маи 9 – Аџьынџьтәылатә еибашьра дуӡӡаҟны Аиааира агара Амш азы дарбанзаалак урҭ ашықәсқәа хьанҭақәа раан зхы-зыҧсы иамеигӡа зыҧсадгьыл зыхьчоз, хьаҵрак ҟамҵакәа анемец фашизм иаҿагылаз, агәымшәареи афырхаҵареи аазырҧшыз, аиааира арааигәаразы атәыла аҩныҵҟа ааӡаб зхызгаз зегьы иҭабуп ҳәа раҳҳәоит.