Аҧсны Жәлар Реизара Аиҳабы Валери Бганба Аҧсны Жәлар Реизара ахьӡала Ареспублика Науру Апарламент Аиҳабы Лиудвиг Дерангадаге Скотти Имшира идиныҳәалеит.

Адныҳәалараҟны, лымкаала, иҳәоуп, Лиудвиг Скотти Ареспублика Науру Апарламент Аиҳабы иаҳасабалеи егьырҭ аҳәынҭқарратә маҵзура ҳаракқәеи рыҟны шықәсырацәалатәи иусура иара итәылаҟнеиҧш хара уи анҭыҵгьы иаҳаҭыр акыр ишыҳаранакыз.

Иколлега ихы наиқәкны, Валери Бганба иаҵшьны иҳәеит, Аҧсны Аҳәынҭқарреи Ареспублика Науруи рыбжьара аҳаҭырқәҵареи аиҩызареи рыла ишьақәгыло аизыҟазаашьақәа Аҧсны аҵак ду шарҭо, урҭ рыҿиараҟны илагамҭа шдуу Лиудвиг Скотти.