Урыстәылатәи Афедерациа аҳәынҭқарратә Дума Ахантәаҩы Виачеслав Володин Аҧсны Жәлар Реизара – Апарламент Аиҳабыс иалхра инамаданы Валери Кәарҷиа дидныҳәалеит.

Адныҳәалараҟны, лымкаала, иҳәоуп:

«Ҳаҭыр зқәу Валери Ермеи-иҧа! Ишәыдысныҳәалоит Аҧсны Жәлар Реизара – Апарламент Аиҳабыс шәалхра.

Урыстәылатәи апарламентарицәа ҳаидгыларатә еизыҟазаашьақәа рырҕәҕәара иазку аҧсуа коллегацәа аус рыцура иазхиоуп.

Шәаргьи Аҧсны Жәлар Реизара ааҧхьара ҿыц адепутатцәа зегьи ишәзеиҕьасшьоит Аҧсны жәлар реизҳазыҕьара иазку шәус аҟны аихьӡарақәа».