Аҧсны Жәлар Реизара – Апарламент ахьӡала уи Аиҳабы Кәарҷиа Валери адныҳәаларақәа ишьҭит иколлегацәа: Алада Уаҧстәыла Ареспублика – Аҳәынҭқарра Аланиа Апарламент Ахантәаҩы Пиотр Гассиев, Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Шьерба, Ареспублика Арцах Амилаҭтә Еизара Ахантәаҩы Ашот Гулиан рыхьӡала.

Кәарҷиа Валери иҟаиҵаз адныҳәаларақәа рыҟны иҳәеит азеиҧш интересқәа азгәаҭаны аҧхьаҟагьы аусеицура дшақәгәыҕуа, аиашьаратә тәылақәа рыжәлар ирзеиҕьеишьеит ашықәсҿыцазтәи агәалаҟазаара, агәабзиара, агәамч, аҭынчра.