Имҩаҧысит изаамҭанытәиу Аҧсны Жәлар Реизара – Апарламент ааҧынтәи асессиа аилатәара. Аилатәара мҩаҧигеит Аҧсны Жәлар Реизара – Апарламент Аиҳабы Валери Кәарҷиа. Ирыхәаҧшуп иагьрыдкылоуп аҵыхәтәантәи аҧхьараан Аҧсны Аҳәынҭқарра азакәанқәа: «Аҳәынҭқарратә ҳазазы» Аҧсны Аҳәынҭқарра азакәан аҧсахрақәа ралагаларазы» Аҧсны Аҳәынҭқарра азакәан апроект № 819-VI . «Аҧсны Аҳәынҭқарра астатистикатә усуразы» Аҧсны Аҳәынҭқарра азакәан аҧсахрақәа ралагаларазы» Аҧсны Аҳәынҭқарра азакәан апроект №837-VI Ажәахәҟаҵаҩ – Абиуџьети, акредиттә еиҿкаарақәеи, ашәахтәқәеи афинансқәеи рзы Аҧсны Жәлар Реизара – Апарламент Аилак ахантәаҩы Натали Смыр. «Амиграциа аусхк аҟны Аҧсны Аҳәынҭқарра азакәанҧҵаратә актқәак аҧсахрақәа ралагаларазы» Аҧсны Аҳәынҭқарра азакәан апроект № 806-VI Ажәахәҟаҵаҩ – Жәларбжьаратәии, апарламентбжьаратәи еимадарақәеи, ҳџьынџьуаа аҽрымадареи рзы Аҧсны Жәлар Реизара – Апарламент Аилак ахантәаҩы Дмитри Гәынба. Ирыхәаҧшуп маӡала абжьыҭира алҵшәала ирыдкылоуп Аҧсны Жәлар Реизара – Апарламент ақәҵарақәа: «Делба М.Иу. Аҧсны Аҳәынҭқарра Иреиҳаӡоу аӡбарҭа Ахантәаҩы имаҵурахьы лалхразы». Ажәахәҟаҵаҩ – Аҧсны Жәлар Реизара – Апарламент аҟны Аҧсны Аҳәынҭқарра Ахада ихаҭарнак Дмитри Шамба. «Аршба Р.И Аҧсны Аҳәынҭқарра Агәаҭаратә палата Ахантәаҩы имаҵураҿы иаҭаразы». Ажәахәҟаҵаҩ – Абиуџьети, акредиттә еиҿкаарақәеи, ашәахтәқәеи афинансқәеи рзы Аҧсны Жәлар Реизара – Апарламент Аилак ахантәаҩы Натали Смыр. «Шьаҟрыл А. Г. Аҧсны Аҳәынҭқарраҟны Ауаҩы изинқәа рзы Азинмчзмоу имаҵурахьы лалхразы». Ажәахәҟаҵаҩ – Азинтә политикеи, аҳәынҭқарратә ргылареи, ауаҩы изинқәеи рзы Аҧсны Жәлар Реизара – Апарламент Аилак ахантәаҩы Валери Агрба. Ирыхәаҧшуп , аха маӡала абжьыҭирала Аҧсны Жәлар Реизара – Апарламент иаднамкылаӡеит Ақәҵара «Бигәаа О. М. Аҧсны Аҳәынҭқарраҟны Ауаҩы изинқәа рзы Азинмчзмоу имаҵурахьы иалхразы». Ажәахәҟаҵаҩ – Азинтә политикеи, аҳәынҭқарратә ргылареи, ауаҩы изинқәеи рзы Аҧсны Жәлар Реизара – Апарламент Аилак ахантәаҩы Валери Агрба.