<p>Аҧсны Жәлар Реизара – Апарламент аделегациа IV Иалтатәи жәларбжьаратәи аекономикатә форум аусура иалахәуп.
<p>Аделегациа аилазаараҟны иҟоуп: Александр Цәышба – Аҧсны Жәлар Реизара - Апарламент Аекономикатә политикеи ареформақәеи рзы аилак ахантәаҩы,  аделегациа анапхгаҩы; Натали Смыр – Аҧсны Жәлар Реизара - Апарламент Абиуџьети, акредиттә еиҿкаарақәеи, ашәахтәқәеи афинансқәеи рзы аилак ахантәаҩы; Баҭал Аиба – Аҧсны Жәлар Реизара - Апарламент Аҵареи, аҭҵаарадырреи, абызшәатә политикеи, адини, АИХ аусқәеи рзы Аҧсны Жәлар Реизара - Апарламент аилак ахантәаҩы,  апарламенттә еилакы ареферент Расида Чачхалиа.
<p>Ареспублика Крым Аминистрцәа Рхеилак Ахантәаҩы ихаҭыҧуаҩ , Урыстәылатәи Афедерациа Ахада иҟны Есқьынагьтәи Ахаҭарнак Гьаргь Мурадов иҟнытә Аҧсны Жәлар Реизара - Апарламент Аиҳабы Валери Кәарҷиа ихьӡала иааз ааҧхьараҟны ишазгәаҭаз еиҧш, ИЖӘАФ асоциалтә-економикатә ҿиара азҵаарақәа ирызку адискуссиақәа рзы лыҵшәазмоу жәларбжьаратәи ҭыҧны иҟалеит. Ара ирылацәажәоит актуалра змоу амшхәаҧштәи адунеитә економика аҿаҧхьа иқәгылоу ҳазҭагылоу аамҭазтәи ашәарҭарақәеи.
<p>Имҩаҧысуа Афорум тема хаданы иамоуп: «Адунеи аҧеиҧш. Урыстәыла аҧеиҧш». Мшаҧымза 21-нӡа имҩаҧысуа Афорум адискуссиақәа ацифратә економика аинструментқәа ралагалара, адгьылҵакырақәа рырҿиара, зтехнологиа ҳараку аҟәшақәа инвестициала реиқәыршәара, аҧхьаҟатәи афымцамч азҵаарақәа, акультуратә ҭынха аиқәырхара, аҧсҭазаара ахаҭабзиара аиҕьтәра, аекологиа уҳәа убас егьырҭ атемақәа жәпакы ирызкхоит.    
<p>Афорум ахь дцеит иара убас Аҧсны Жәлар Реизара - Апарламент Аиҳабы ихаҭыҧуаҩ Левон Галустиан. Уи Крым Аҩызцәа рассоциациа аилатәарақәа русура далахәуп.