<p>Урыстәылатәи ажәларқәа реиҩызара ауниверситет Шәачатәи аинститут  адиректора  Надежда Козлова иҟалҵаз ааҧхьарала, Аҧсны Жәлар Реизара - Апарламент адепутатцәа Омар Џьынџьали Инал Ҭарбеи Шәачатәи аинститут УЖӘРА (РУДН) 20-шықәсахыҵратәи аиубилеи азгәаҭара иазку аусмҩаҧгатәқәа ирылахәуп.  
<p>  Аинститут аиубилеи азгәаҭара инамаданы, Аҧсны Жәлар Реизара - Апарламент Аиҳабы Валери Кәарҷиа Шәачатәи аинститут (афилиал) УЖӘРА (РУДН) адиректор Надежда Козловеи ауи аколлективи дрыдныҳәалеит.  
Адныҳәалаҟны иҳәоуп: «Ҳаҭыр зқәу Надежда Иван-иҧҳа!  Аҧсны Жәлар Реизара - Апарламент ахьӡала Урыстәылатәи ажәларқәа реиҩызара ауниверситет Шәачатәи аинститут (афилиал)   аколлектив  гәыкала ирыдысныҳәалоит аинститут аҧҵара 20-шықәсахыҵра.  
Ҩажәа шықәса – аҵараиуратә усбарҭазыакрызҵазкуа  рыцхәуп. Уи шәахысны, шәара ҧхьаҟа шәнеиуеит аихьӡарақәеи ақәҿиарақәеи шәыманы.  
<p>Шәачатәи аинститут (афилиал) УЖӘРА (РУДН) жәлар рынхамҩа аусхкқәа акыр рыҟны аусура зылшо аспециалистцәа разыҟаҵара иазку ҳазҭагылоу аамҭазтәи урыстәылатәи аҵараиурҭа ахьӡ иаҧсахеит.
Особое внимание Аинститута аколлектив ҷыдала хшыҩзышьҭра анаҭоит аҵараиура аусхк аҟны ааигәатәии наскьатәи атәылақәеи иареи рыбжьара жәларбжьаратәи аимадарақәа рыбжьаҵара, убарҭ рыҩныҵҟа иҟоуп Аҧсны Аҳәынҭқаррагьы.  
<p>Аинститут иазнархиеит зыквалификациа ҳараку  зықьҩыла аспециалистцәа иеиуеиҧшым  апрограммақәеи ахырхарҭақәеи рыла, урҭ рыбжьара иҟоуп Аҧсны Аҳәынҭқарра атәылауаагьы. Иахьагьы қәҿиарала аҿиара иаҿуп, активла арҵаразы апрограмма ҿыцқәа алагало, астуденттә еиҿкаарақәа русура адгылара анаҭоит, уи аушьҭымҭацәа аус руеит урыстәылатәи арегионқәа рыҟнеиҧш, егьырҭ аҳәынҭқаррақәа рыҟны, урҭ рхыҧхьаӡараҿы иҟоуп ҳара ҳтәылагьы.  
<p>Аинститут алагаламҭа дууп Аҧсны Аҳәынҭқарреи Урыстәылатәи афедерациеи рыбжьара аиҩызаратә еизыҟазаашьақәа рырҕәҕәараҿы, урҭ аҧхьаҟагьы аҿиара шроуа агәра ҳгоит.  
Урыстәылатәи ажәларқәа реиҩызара ауниверситет Шәачатәи аинститут апрофессортә-рҵаҩратә коллективи астудентцәеи ирзеиҕьаҳшьоит аихьӡарақәа русураҿы, рыҭҵаарадырратә усураҿы, аҵараҿы, агәҭак ҿыцқәа рынагӡара».