Имҩаԥысит Аԥсны Жәлар Реизара ¬– Апарламент Аиҳабы Валери Кәарҷиа хантәаҩра ззиуаз ҭагалантәи асессиа актәи аилатәара.

Иахәаԥшуп иагьрыдкылоуп аҵыхәтәантәи аԥхьараан «Аԥсны Аҳәынҭқарраҟны аҳасабыркра амҩаԥгараан аконтроль-кассатә техника ахархәаразы» Аԥсны Аҳәынҭқарра Азакәан.                                                              
Ажәахәҟаҵаҩ – Абиуџьети, акредиттә еиҿкаарақәеи, ашәахтәқәеи, афинансқәеи рзы Аԥсны Жәлар Реизара ¬– Апарламент аилак ахантәаҩы Натали Смыр.

Ирыхәаԥшуп иагьрыдкылоуп актәи аԥхьараан Аԥсны Аҳәынҭқарра азакәанқәа рыпроектқәа:                                                              
«Аҳазалхратә ус аҟны анапхгаратә зинеилагарақәа ирызку ахәҭаҟны Аҧсны Аҳәынҭқарра азакәанҧҵаратә актқәак аҧсахрақәа ралагаларазы», «Афинанстә қьыразы (ализинг азы)».                
Ажәахәҟаҵаҩ – Аԥсны Жәлар Реизара ¬– Апарламент аҟны Аԥсны Аҳәынҭқарра Ахада ихаҭарнак С.Р. Быҭәба.

Ирыхәаԥшуп иагьрыдкылоуп Аԥсны Жәлар Реизара ¬– Апарламент ақәҵарақәа:
Иҭҟьо абџьар, аџьаҧҳаны, аибашьыга техника аҵәахра, ашәҟәҭагалара, анагӡара рзы» 1994 шықәса ажьырныҳәамза 14 аҟн. №157-п; «Иҭҟьо абџьар иазку аҧҟаразы» 1994 шықәса лаҵарамза 4 аҟн. № 173-п.» Аҧҟара ашьақәырҕәҕәаразы».    
Ажәахәҟаҵаҩ – Аԥсны Жәлар Реизара ¬– Апарламент аҟны Аԥсны Аҳәынҭқарра Ахада ихаҭарнак С.Р. Быҭәба.

«Аҧсны Аҳәынҭқарра Аминистрцәа реилазаара 12,0 га зҵазкуа адгьыл ҭыҧ Очамчыра араион Аӡҩыбжьа ақ. «ақыҭанхамҩатә ҵакы змоу адгьыл» акатегориаҟнытә  «ааглыхра адгьыл» акатегориахь аиагара ақәиҭтәразы».                                                        
«Аҧсны Аҳәынҭқарра Аминистрцәа реилазаара Гагра ақ. Демерџь-иҧа имҩа ИА «Гагрыҧшь» адгьылҵакыраҟны иҟоу 0,93 га зҵазкуа адгьыл ҭыҧ «ақыҭанхамҩатә ҵакы змоу адгьыл» акатегориаҟнытә «аиҭашьақәыргыларатә ҵакы змоу адгьыл» акатегориахь аиагара ақәиҭтәразы».                                  
Ажәахәҟаҵаҩ – Аграртә политикеи, аԥсабаратә цхыраагӡақәеи, аекологиеи рзы Аԥсны Жәлар Реизара ¬– Апарламент  Аилак ахантәаҩы Асҭамыр Ҭарба.

Ирыхәаԥшуп, аха абжьыҭира алҵшәақәа рыла ирыдкылаӡам Аԥсны Жәлар Реизара ¬– Апарламент ақәҵарақәа:
«Аҧсны Аҳәынҭқарра Аконтрольтә палата 2022 шықәсазы аныҟәгаразы ахархәагақәа реицҵалыҵ ашьақәыргыларазы».          
«Аҧсны Аҳәынҭқарраҟны ауаҩы изинқәа рзы Азинмчызмоу Иаппарат 2022 шықәсазтәи абиуџьеттә харџьынҵа ашьақәыргыларазы».
Ажәахәҟаҵаҩ – Абиуџьети, акредиттә еиҿкаарақәеи, ашәахтәқәеи, афинансқәеи рзы Аԥсны Жәлар Реизара ¬– Апарламент аилак ахантәаҩы Натали Смыр.