НОВОСТИ

Аԥсны Жәлар Реизара – Апарламент Аиҳабы Валери Кәарҷиа Аиааира амш азы Аԥсны жәлар дрыдныҳәалеит
29.09.2021
Поделиться в соцсетях:

Аԥсны Жәлар Реизара – Апарламент Аиҳабы Валери Кәарҷиа Аиааира амш азы Аԥсны жәлар дрыдныҳәалеит

Аԥсны Жәлар Реизара – Апарламент Аиҳабы Валери Кәарҷиа Аиааира амш азы Аԥсны жәлар дрыдныҳәалеит.

Адныҳәалараҟны иҳәоуп:

«Ҳаҭыр зқәу ҳауаажәлар, акыр иаԥсоу Аԥсны Аџьынџьтәылатә еибашьра аветеранцәа!
Аԥсны Жәлар Реизара – Апарламент ахьӡала ишәыдысныҳәалоит ҳара зегьы ҳзы аныҳәақәа ирныҳәоу – Аиааиреи Аԥсны Аҳәынҭқарра Ахьыԥшымреи рымш!

Ҳаԥсадгьыл ахьчаҩцәа ҳаҭырқәҵарала ргәаларшәаразы иазгәаҳҭо ари амш  аҵак дуӡӡа змоу ныҳәоуп Аԥсны жәлар зегьы рзы.  

Шәара, ҳветеранцәеи, аиашьара ҳазуа, хатәгәаԥхарала иааны иҳадгылаз аибашьцәеи ишәыбзоураны иҳауит ахақәиҭреи ахьыԥшымреи.  Аиааира иахҭынҵоуп иреиҕьыз Аҧсны аҵеицәа рыҧсҭазаарақәа. Хашҭшьа амаӡам Аиааира агараҟны Аԥсны Аҳәынҭқарра Арбџьар Мчқәа Рыдҵаҟаҵаҩхада Аԥсны Аҳәынҭқарра Актәи Ахада Владислав Григори-иԥа Арӡынба ироль ду.

Аиааира Амш ҳтәыла иқәынхо ауааԥсыра зегьы рзы ахааназы амилаҭтә гәадуреи, ахьӡ-аԥшеи, афырхаҵареи ирсимволны иаанхоит.

Ари аныҳәамш аҽны гәык-ԥсык ала ишәзеиӷьасшьарц сҭахуп агәабзиара, аизҳазыӷьара, аҭынчра!»