Аҧсны Жәлар Реизара – Апарламент аҟны имҩаԥысит ҞЧА аделегациа злахәыз аипылара.

Аҧсны Жәлар Реизара – Апарламент Аиҳабы Валери Кәарҷиа идикылеит акультура аминистр Зураб Агирба напхгара ззиуаз аделегациа.

ҞЧА аделегациа аилазаараҟны иҟан – абаза ҵарауаҩ, апрофессор Олег Еҭлухов, Ареспубликатә аҳәынҭқарратә биуџьеттә усбарҭа «Жәлар ркультура Ҟарачы-Черқьестәи Ареспубликатә Центр» адиректор Артиом Разин, ҞЧА Атеатри Акәашареи рзы Аҳәынҭқарратә филармониа «Меркури» асахьаркыратә напхгаҩы, Ҟарачы-Черқьесиа зҽаԥсатәыз артист  Мураҭ Гагиев, ҞЧА зҽаԥсатәы артист, афилармониа асолист Фатима Агирбова.
Аиԥылара иалахәын: Аҧсны Жәлар Реизара – Апарламент  Аграртә политикеи, аԥсабаратә лшарақәеи, аекологиеи рзы аилак ахантәаҩы Асҭамыр Ҭарба, Аҧсны Жәлар Реизара – Апарламент Аҳәынҭқарра-зинтә политиказы  аилак ахантәаҩы Каха Пертаиа, Аҧсны Жәлар Реизара – Апарламент Жәларбжьаратәии, апарламентбжьаратәии еимадарақәеи ҳџьынџьуаа аҽрымадареи рзы аилак ахантәаҩы    Асҭамыр Логәуа, Аҧсны Жәлар Реизара – Апарламент Акультуреи, аҿар русқәеи, аспорти рзы аилак ахантәаҩы Венори Бебиа, Аҧсны Жәлар Реизара – Апарламент адепутат  Леонид Чамагәуа, иара убас акультура аминистр Гәудиса Агрба.
Аиԥылара аартуа, В. Кәарҷиа асасцәа аԥсшәа анраиҳәоз, иҳәеит ҞЧА амшқәа Аԥсны Аҳәынҭқарраҟны ақәҿиарақәа аманы имҩаԥысуеит ҳәа игәы ишаанаго.  
ҞЧА акультура аминистр   асадкыларазы иҭабуп иҳәеит. «Ҳара ҳреспублика иааиуа ашықәс азы  100-шықәса ахыҵра азгәанаҭоит. Ҳара ҳзы гәадуроуп ҞЧА 100-шықәса ахыҵра иазку аусмҩаԥгатәқәа Аԥсны агастрольқәа рыла ҳахьалагаз», - иҳәеит Зураб Агирбов.
Аминистр иажәақәа рыла, Аԥсны Аҳәынҭқаррахь аделегациа иалаланы иааит 50-ҩык инареиҳаны ауаа, ахореографцәа, артистцәа, асахьаҭыхҩцәа. Уи иазгәеиҭеит ари аплан шалыршахаз афедералтә центр иҟанаҵа адгылара  ала.
«Ҳара аԥхьаҟагьы иҳарӷәӷәоит аҿар русеицура, атурим аусхк аҟны, акультуратә еимадарақәа рырҿиара. Ари иаанаго, еиҳа лассы-лассы аибабаразы аҭагылазаашьа ҳауеит», - иҳәеит ҞЧА акультура аминистр Зураб   Агирбов.
«Ҳара жәларык ҳауп, аӡәк ҳауп. Иҭабуп ҳәа расҳәоит Аԥсны анапхгареи Апарламент адепутатцәеи иахьа аамҭа шыуадаҩугьы аусмҩаԥгатә амҩаԥгаразы алшара ахьҳауз», - иҳәеит  Олег Еҭлухов.
Апарламент Аиҳабы ҞЧА аделегациа Аԥсны Аҳәынҭқаррахь раараы иҭабуп ҳәа реиҳәеит.
Зураб Агирбов  Валери Кәарҷиа агәаларшәагатә ҳамҭа инапы иаиркит.