Аԥсны Жәлар Реизара – Апарламент Аиҳабы Валериа Кәарҷиа напхгара ззиуа аделегациа Ҭырқәтәылатәи Ареспубликаҟны абҵарамза 14 рзы имҩаԥысуа Аԥсуа культуратә центрқәа рфедерациа ахантәаҩы иалхра рҽаладырхәуеит.

Аделегациа аилазаараҟны иҟоуп: Асҭамыр Логәуа – Аԥсны Жәлар Реизара – Апарламент  Жәларбжьаратәии, апарламентбжьаратә еимадарақәеи ҳџьынџьуаа аҽрымадареи рзы аилак ахантәаҩы, Алхас Џьынџьал – Аԥсны Жәлар Реизара – Апарламент  Асоциалтә политикеи, аџьеи, агәабзиарахьчареи, адемографиеи, аветеранцәеи аибашьра аветеранцәеи рзы аилак ахантәаҩы, Илиа Гәниа – Аԥсны Жәлар Реизара – Апарламент Атәылахьчареи амилаҭтә шәарҭадареи рзы аилак ахантәаҩы, Венори Бебиа – Аԥсны Жәлар Реизара – Апарламент акультуреи, аҿар русқәеи, аспорти рзы аилак ахантәаҩы, Таифун Арӡынба – Аԥсны Жәлар Реизара – Апарламент  аекономикатә политикеи аиҭакрақәеи рзы аилак ахантәаҩы ихаҭыԥуаҩ, Дырмит Гәынба – Аԥсны Жәлар Реизара – Апарламент Жәларбжьаратәии, апарламентбжьаратә еимадарақәеи ҳџьынџьуаа аҽрымадареи рзы аилак алахәҩы.