НОВОСТИ

В. Кәарҷиа Аԥсны ауаажәларра Аконституциа амш рыдиныҳәалеит
25.11.2021
Поделиться в соцсетях:

В. Кәарҷиа Аԥсны ауаажәларра Аконституциа амш рыдиныҳәалеит

Аԥсны Жлар Реизара – Апарламент Аиҳабы В. Кәарҷиа Аԥсны ауаажәларра Аԥсны Аҳәынҭқарра Аконституциа амш рыдиныҳәалеит.

"Ҳаҭыр зқәу ҳауаажәлар!

Аԥсны Жлар Реизара – Апарламент ахьӡала ишәыдысныҳәалоит аҳәынҭқарратә ныҳәа – Аԥсны Аҳәынҭқарра Аконституциа амш!  

1994 шықәса абҵарамза 26 – акырӡа зҵазкуа хҭысны иҟалеит Аԥсны аҭоурых ҿыц аҟны. Ҳтәыла адәныҟатәи ашәарҭара ианҭагылаз, аекономикатә мацәаз ианҭакыз иуадаҩӡаз аҭоурыхтә аамҭазы ишьақәгылаз аԥсҭазаара иаҭахны иҟанаҵеит Аконституциа адкылара.

Аконституциа изинтәу адемократиатә ҳәынҭқарра ашьақәыргылара амҩа ианыз аҳәынҭқарразы еихьӡара дуны, атәыла ашәарҭадара алзыршо ихадароу документны иҟалеит.

Ари  - иреиҳаӡоу азиндырратә мчы змоу, аҳәынҭқарратә шьақәгылашьа ашьаҭақәа ҳәаақәызҵо, Аԥсны Аҳәынҭқарра атәылауаа рыԥсҭазаара мҩақәызҵо егьырҭ азинтә актқәа уасхырс ирзышьҭоу, ҳаԥсҭазаара азинтә ҳәаақәеи аҭышәынтәалареи, аҿиареи алзыршо закәан хадоуп.  

Ҳара иаҳҭахуп Аԥсны мчы змоу, еизҳазыӷьо, иахьатәи аамҭа иақәшәо ҳәынҭқарраны иҟазарц. Ари ахықәкы алыршара зегьы ҳалахәзароуп, дасу ҳамч, ҳалша, ҳдыррақәа зегьы азкызароуп аԥсҭазааратә ҵакы змоу Азакәан аԥҟара хадақәа рынагӡара.

Иахьатәи аныҳәамш аҽны зегьы ишәзеиӷьасшьоит аҭынчра, аҭышәынтәалара, аизҳазыӷьара!