Аԥсны Жәлар Реизара – Апарламент Аиҳабы Валери Кәарҷиа аилацәажәара мҩаԥигеит.
Уи иалахәын Аԥсны Жәлар Реизара – Апарламент Аиҳабы ихаҭыԥуаҩ Левон Галустиан, Азинтә политикеи, аҳәынҭқарратә ргылареи, ауаҩы изинқәеи рзы Аԥсны Жәлар Реизара – Апарламент аилак ахантәаҩы Валери Агрба, Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи рзы Аԥсны Жәлар Реизара – Апарламент  аилак ахантәаҩы Алхас Џьынџьал, Жәларбжьаратәи, апарламентбжьаратә еимадарақәеи, аџьынџьуаа рымадареи рзы Аԥсны Жәлар Реизара – Апарламент  аилак ахантәаҩы Асҭамыр Логәуа, Аҵареи, аҭҵаарадырреи, абызшәатә политикеи, адини, АИХ русқәа рзы Аԥсны Жәлар Реизара – Апарламент  аилак ахантәаҩы Баҭал Аиба, Аграртә политикеи, аԥсабаратә лшарақәеи аекологиеи рзы Аԥсны Жәлар Реизара – Апарламент  аилак ахантәаҩы  Асҭамыр Ҭарба.
Аилацәажәараҟны адепутатцәа атәыла иреиҳаӡоу азакәанԥҵаратә усбарҭа аусура иадҳәалоу иактуалтәу азҵаарақәа ирылацәажәеит.
Урҭ рыҩныҵҟа иҟан хазы игоу азакәанапроектқәа имҩаԥысраны иҟоу асессиа аилатәарақәа рыҟны рыхәаԥшра иадҳәалоу азҵаарақәагьы.