Иахьа, ԥхынҷкәынмза 6 рзы имҩаԥысит Аԥсны Жлар Реизара – Апарламент Аиҳабы Валери Кәарҷиа хантәаҩра ззиуз адепутатцәа есымчыбжьатәи русуратә еилацәажәара.

Аусура иалагаанӡа адепутатцәа ҳаҭырла дыргәаладыршәеит зыԥсҭазаара иалҵыз Аԥсны Аҳәынҭқарра Иреиҳаӡоу Асовет - Аԥсны Жлар Реизара – Апарламент I ааԥхьара адепутат, «Ахьӡ-Аԥша» аорден III аҩаӡара занашьоу Клименти Џьынџьал.
  
Аилацәажәараан адепутатцәа ахцәажәеит русура аплан, ааигәа имҩаԥысраны иҟаз аилактә еилатәарақәа рыҟны иалкаау азакәанапроектқәа рыхәаԥшра, иара убас Апарламенти анагӡаратә мчхареи русеицура иазку азҵаарақәагьы налаҵаны.