НОВОСТИ

Аԥсны Жәлар Реизара – Апарламент  аҟны имҩаԥысит есымчыбжьатәи аусуратә еилацәажәара
14.12.2021
Поделиться в соцсетях:

Аԥсны Жәлар Реизара – Апарламент аҟны имҩаԥысит есымчыбжьатәи аусуратә еилацәажәара

  Ԥхынҷкәынмза 14 рзы Аԥсны Жәлар Реизара – Апарламент  аҟны имҩаԥысит есымчыбжьатәи аусуратә еилацәажәара. Аилацәажаәара алагамҭазы Аԥсны Жәлар Реизара – Апарламент  Аиҳабы Валери Кәарҷиа иҳәеит адепутатцәа иҟарҵо аҳәарала ҳазҭоу амчыбжь азы Апарламент аҟны иазԥхьагәаҭоу Аԥсны Ахадеи адепутатцәеи реиԥылара атәы.  

Инықәырԥшны уи мҩаԥысраны иҟоуп ԥхынҷкәынмза 15 рзы, АИХ алархәны имҩаԥысыргьы шыҟало.  
Адепутат Натали Смыр далацәажәеит Нхыҵ Кавказ ашәарҭадареи аҭышәынтәалареи рзы Женеватәи адискуссиақәа 55-тәи рраунд алахәра инамаданы лгәаанагара. Аԥсуа делегациа зҵаара хаданы иқәдыргылеит амч ахамырхәаразы жәларбжьаратәи ахәдықәҵара иазку адокумент атекст аҟны аганқәа реиқәшаҳаҭразы аусура аиҭахацыкра. Уи ақырҭуа ган ишыҟарҵаларц еиԥш, мап ацәнакит.

  Натали Смыр ахә ҳаракны илшьеит Аԥсны Аҳәынҭқарра Адәныҟатәи аусқәа рминистрра ахаҭарнакцәа имҩаԥыргаз аусуреи урҭ разыҟаҵареи.

Адискуссиақәа ирылахәын иара убас Аԥснытәи аделегациа иалахәыз Аԥсны Жәлар Реизара – Апарламент адепутатцәа Натали Смыр, Каха Пертаиа, Инал Ҭарба.
  
Адепутат Алмас Џьапуа ишьҭихит аԥшьгаратә гәыԥ ирыднагалаз Аԥсны Аҳәынҭқарра Аконституциа аԥсахрақәа ралагалара иазкыз азҵаара. Адепутат ишиҳәаз ала, ари азакәанапроект аганахьала Аԥсны Аҳәынҭқарра Аконституциатә ӡбарҭа иҵоурам алкаа ҟанаҵеит.

Алмас Џьапуа ажәалагала ҟаиҵеит Апарламент адепутатцәа алархәны аԥшьгаратә гәыԥ ахаҭарнакцәеи, Аконституциатә реформазы акомиссиа алахәцәеи, Аконституциатә ӡбарҭа аӡбаҩцәеи реиԥылара аиҿкааразы, Аԥсны Аҳәынҭқарра Аконституциа аԥсахрақәа ралагалара аҭахра  алацәажәара хықәкыс иҟаҵаны.

Адепутат Гиви Кәарҷиа ажәалагала ҟаиҵеит ааигәа имҩаԥысраны иҟоу аилатәарақәа рыҟны анагӡаратә мчхара ирыднагалаз афымцамч иазку амҩатә хсаала алацәажәара.  

Аилацәажәараҟны зегьы раасҭа излацәажаәаз зҵаароуп изхәаԥшраны иҟоу 2022 шықәсазтәи ареспубликатә биуџьет ахәаԥшреи адкылареи рызҵаара. Абиуџьети, акредиттә еиҿкаарақәеи, ашәахтәқәеи афинансқәеи рзы аилак ахантәаҩы Натали Смыр иазгәалҭеит абиуџьет Аԥсны Жәлар Реизара – Апарламент ахь мызкы инеиҳаны иагханы ишааз, ари уи адкылара ианымԥшырц шамуа, избан акәзар Аконтрольтә палата алкаақәа ирзыԥштәуп.