Ажьырныҳәамза 17 рзы Аҧсны Жәлар Реизара – Апарламент аҟны имҩаҧысит  Аекономикатә политикеи, ареформақәеи, арҿыцрақәеи рзы аилак аилатәара. Ара 2022–2026 шш.  аҟәшатә хықәкытә программа “Аҧсны Аҳәынҭқарраҟны афымцамч ахархәара агәаҭара асистема аҿиареи Иаку аоператор изы есышықәсатәи амашәыртә цҵа ашьақәыргылареи” иахәаҧшын.

Аилак аҟны иӡбан Аҧсны Аҳәынҭқарра Ахада Аслан Бжьаниеи аҧыза-министр Александр Анқәаби ари апрограмма ахәаҧшреи адкылареи рабжьгара.