Аҧсны Жәлар Реизара - Апарламент Аиҳабы Валери Кәарҷиа Урыстәылатәи Афедерациа Афедералтә Еизара Афедерациа Ахеилак Ахантәаҩы Валентина Матвиенко длыдныҳәалеит.

“Ҳаҭыр зқәу Валентина Иван-иҧҳа!

Аҧсны Жәлар Реизара - Апарламент ахьӡала гәык-ҧсык ала ишәыдысныҳәалоит Шәирамш!
Урыстәылатәи Афедерациа Афедералтә Еизара Афедерациа Ахеилак Ахантәаҩы имаҵураҟны Шәара шықәсырацәалатәи шәусура акрызҵазкуа аҳәынҭқарратә уснагӡатәқәа рыӡбараҟны лагаламҭа дуны иҟоуп. Аҩныҵҟатәии адәныҟатәии аполитика азҵаарақәа рыӡбараҟны Шәара шәҧышәеи шәдырреи Урыстәылеиҧш, уи анҭыҵгьы аҳаҭыр ду шәаҧсаны шәҟарҵеит.

Сара агәра згоит Аҧсны Жәлар Реизара – Апарламенти Урыстәылатәи Афедерациа Афедералтә Еизареи ирыбжьоу Аҧсны Аҳәынҭқарреи Урыстәылатәи Афедерациеи рыжәларқәа реизҳазыҕьара иазку ҩ-ганктәи аусеицура аҧхьаҟа есааира ишыҕәҕәахало.

Ҳаҭыр зқәу Валентина Иван-иҧҳа!

Ишәзеиҕьасшьоит аҭынчра, ахирра, агәабзиара”.