Урыстәылатәи Афедерациа Афедералтә Еизара Аҳәынҭқарратә Дума Ахантәаҩы Виачеслав Володин Лаша Ашәба Аԥсны Жәлар Реизара-Апарламент Аиҳабыс иалхра идиныҳәалеит.

«Ишәыдысныҳәалоит Аԥсны Жәлар Реизара-Апарламент Аиҳабыс шәалхра. Ишәзеиӷьасшьоит аихьӡарақәа шәусураҟны», - аҳәоит аацҳамҭа.

Урыстәыла-аԥснытәи апарламентбжьаратә усеицура арҿиара хықәкыс иҟаҵаны, Виачеслав Володин Лаша Ашәба Урыстәылатәи Афедерациахь официалтә визитла аҭааразы ааԥхьара ииҭеит».