Урыстәылатәи Афедерациа Афедералтә Еизара Афедерациа Ахеилак Ахантәаҩы Валентина Матвиенко Аԥсны Жәлар Реизара – Апарламент Аиҳабы Лаша Ашәба Аԥсны Жәлар Реизара – Апарламент Аиҳабы имаҵурахьы иалхра идылныҳәалеит.

Адныҳәалараҟны иҳәоуп:

«Ҳаҭыр зқәу Лаша Нугзар-иԥа! Урыстәылатәи Афедерациа Афедералтә Еизара Афедерациа Ахеилак ахьӡала ишәыдысныҳәалоит Аԥсны Жәлар Реизара – Апарламент Аиҳабы имаҵурахьы шәалхра.
Апарламентбжьаратә усеицура ҳахәаԥшуеит ҩ-ганктәи аизыҟазаашьақәа рыҿиараҟны аҵак ду змоу акы аҳасабала.
Ҳзакәанԥҵаҩцәа аекономикатә, асоциалтә, акультура-гуманитартә усхкқәа рыҟны лыҵшәа змоу русеицура аԥхьаҟагьы ҳабжьара хаҳара злоу аимадара арҿиара иацхраалоит ҳәа агәра згоит.

Ҳаҭыр зқәу Лаша Нугзар-иԥа, ишәзеиӷьасшьоит Аԥсны жәлар реизҳазыӷьара иазку аҭакԥхықәра зцу аусураҟны аихьӡарақәа.  
Ҳаҭырла сшышәзыҟоу агәра шәсыргарц сҭахуп».