Аԥсны Жәлар Реизара – Апарламент Аиҳабы Лаша Ашәба Урыстәылатәи Афедерациа Афедералтә Еизара Афедерациа Ахеилак Ахантәаҩы Валентина Матвиенко Урыстәылатәи апарламентаризм амш лыдиныҳәалеит.

Адныҳәалараҟны иҳәоуп:

  «Аԥсны Жәлар Реизара – Апарламент ахьӡала шәколлегацәагьы ишәыдысныҳәалоит Шәаргьы Урыстәылатәи апарламентаризм амш!
Урыстәылатәи Афедерациа Афедералтә Еизара Афедерациа Ахеилак  атәыла  азакәанԥҵаратә базала еиқәыршәо, ажәлар ринтересқәа хаҭарнакра рзызруеит, акырӡа зҵазкуа аҳәынҭқарратә зцаарақәа рзы азыӡбақәа рыдыркылоит.  
Агәра згоит Аԥсны Жәлар Реизара – Апарламенти Урыстәылатәи Афедерациа Афедералтә Еизара Афедерациа Ахеилаки ирыбжьоу апарламентбжьаратә усеицуразы Аиқәшаҳаҭра шьаҭас иаҭаны ишьақәгылаз ҳпарламентқәа русеицура атрадициақәа аԥхьаҟагьы ҩ-ганктәи аизыҟазаашьақәа рыҿиара ишацхраауа.

Ҳаҭыр зқәу Валентина Иван-иԥҳа!
Урыстәылатәи Афедерациа Афедералтә Еизара Афедерациа Ахеилак аколлектив нашәыдкыланы, гәык-ԥсык ала ишәзеиӷьасшьоит   аизҳазыӷьара, Урыстәыла ажәлар рыхьӡала шәусураҟны аихьӡара ҿыцқәа».