Лаҵарамза 4 рзы имҩаҧысит Аҧсны Жәлар Реизара – Апарламент Аиҳабы Лаша Ашәбеи Арцах Ареспублика Амилаҭтә еизара Ахантәаҩы Артур Товмасиани ҭелла реицәажәара.

Аиҿцәажәара мҩаҧысит Арцах апарламент анапхгаҩы иаҧшьгарала.
Артур Товмасиан гәахәарыла Лаша Ашәба Аҧсны Жәлар Реизара – Апарламент Аиҳабы имаҵурахьы иалхра идиныҳәалеит, изеиҕьеишьеит аихьӡарақәа.
Апарламентқәа рхадацәа рылацәажәеит ҩ-ганктәи аусеицура азҵаарақәа, апарламентбжьаратә диалог аҧхьаҟатәи аҿиаразы ргәаанагарақәа еимырдеит.
Лаша Ашәбеи Артур Товмасиани еиқәшаҳаҭны аимадарақәа ишрыцырҵо еибырҳәеит, Аҟәеи Степанакерти рҭааразы ааҧхьарақәа ҟарҵеит.